Mr.T مستر حنه والسيد اعشاب و

كلهم عادوا بنفس الفترة!!! ثلاثتهم خلال اقل من اسبوع! طبعا تي من رواد الملكي ودايما اشوفه هناك، الظاهر الاخ اشتاقلي وارسلي مسج وكلمني، وعلى كلامه انه اللي صار بيننا ممكن يكون سوء تفاهم، طبعا ماقدرت اقوله انه اسنانك هي المشكلة وليست مجرد سوء تفاهم، بس هالانسان احب شخصيته بس لو يصلح اسنانه، الحين احنا نتكلم مع بعض بس بشكل صداقة

انا من فترة طويلة مسوي مقاطعة على ال
Online dating
بس من تقريبا اقل من شهر بشوي، رجعت مرة ثانية استخدمه مع قوانين جديدة حطيتها لنفسي عشان كثر ما اقدر امنع السايكو من الدخول الى بروفايلي، طبعا السايكو مافي قوة بالعالم تمنعهم لكن الهدف اني اخلي التعارف علي بالنسبة لهم معجزة، انا يلا اطيق الصاحيين شلون عاد السايكو؟؟

المهم وراها منو لقيت؟ مستر حنه وكلمني، طبعا تذكرون البوست اللي كتبته عن مستر حنه واشكثر انا مشتاقله، رجعنا كلمنا بعض وراها اكتشفت حقيقة تاريخية لايمكن انكارها، وهي اني انا فديت قلبي مفروض اي واحد خليته لاي سبب (حتى لو كنت ناسي شنو السبب) المهم دام خليته معناها لوجود علة ماقدر اتعايش معاها، لما رجعنا نكلم بعض وتقابلنا لقيت العيب الشرعي اللي فيه مازال موجود، الاخ مو بس حنه، لما يتكلم يصير مثل دعاية برينجلز (لما يفك ماحيصك) مو بس جذي، يعني ياريت لو في طريقة امثل الوضع، الحين لما الواحد يتكلم الثاني يسمع صح؟ بعدين الثاني يتكلم الاول يسمع صح؟ هذا لما يتكلم بدون مبالغة لو انته تكلمت ماراح يسمع لانه ماشي خط سريع هاي واي مايوقف، لدرجة صرت ارفع صوتي واصارخ والاخ مو راضي يسكت، ولما اطنشه عشان يحس كمان يكمل واذا انا ماضحكت مثلا على موضوع طريف عادي هو يضحك على كلام نفسه ويكمل! الطامة الكبرى اللي خلتني اعصب لما رحت السعودية ورجعت يقولي انته وينك يومين؟؟ قتله انا قايلك رايح السعودية، قالي لا ماقلت!! قلتله انا قلت يمكن مليون مرة بس انته ماكنت تسمع, يعني اي شي انا اقوله ماراح يسمعه لانه مايسكت ابدا، طيب هذه مو بس مشكلة، هذه مصيبة شلون راح يكون في بينا تواصل الا اذا اكل على قولة المصريين: سد الحنك!!! بعد ماكنت ميت يومين من التعب، اليوم ناوي اصارحه بعيبه الشرعي عشان اكون واضح معاه

اما اعشاب، واااااه ااااه من الاعشاب وسنين الاعشاب وكس ام الاعشاب زييين؟؟؟ اوكي سوري مو متعود اسب بس من عصبيتي اعذروني :( لحظة ليش ابرر؟ كيفي بلوجي اللي مو عاجبه يطلع بره، يلا بررررررررررررره :@
المهم يقولي انه اللي صار اكيد سوء تفاهم، ويبي يشوفني ونكمل علاقتنا من جديد (ليش اصلا هو كان في علاقة يا بابا؟؟) كانت ليلة سودة، بصراحة الجزء الشيطاني مني طلع يومها، وكنت متحمس اشوفه مو عشان نتفاهم ونكمل، بس عشان اضحك لووووول، المهم طلعت معاه ونفس الشي وداني ستاربكس الهلتون، لازم مكان ميت مافيه ولا قطو ولا الاخ مايرتاح، وطبعا طول الوقت بس هو اللي يتكلم، وكل كلمة والثانية (انا لمن كنت بسويسرا، انا لمن كنت بسويسرا، انا لمن تعلمت بسويسرا) اوكي كرهتني بسويسرا يخرب بيتك، وراها قتله بصراحة انا ماحب الاعشاب، انا مو خروف!! وانا احب الشيشة واحب الرقص واحب الحياه واحب كل شي ممتع بالدنيا واحب اعيش شبابي، بس الظاهر انه مصمم على علاقة، تخيلوا عاد انا ريكي بعلاقة مع واحد كل كلامه اعشاب وكل شوي يقول انا لما درست بسويسرا!!! وااااو انتحاري بيكون ببيزة، والاحلا قالي يبي يوديني مطعم برازيلي وكنا نتكلم عن الاكل وانواع الاكل العالمي، جان يقولي الاكل البرازيلي حلو تحس بنكهة الاعشاب! كماااااااااان؟؟؟ اقول بروح البيت امي تبيني ضروري

صحيح انه الانترنت طريقة حلوة للتعارف خصوصا مع ناس من برة الدولة، لكن ايضا ممكن يكون عوار راس مع عشاق الاعشاب ولما يفك مايحصك كايند اف بيبول