Saturday, March 7, 2009

LONELY :D



اشرايكم بلونلي؟؟ حلو صح؟ :D

هالهدية لعبة قابلة للنفخ من صديقتي العزيزة
GooGi
لما كانت في بريطانيا، اول ما شفتها قررت اسميه لونلي على الاخ لونلي اللي مسببلي (مو بس انا حتى المدون خالد اللي زارني) ازمة نظرا لان
His HOTNESS
خطر عالمجتمع وفوق هذا يوميا قاعدلي بالقهوة اف مايصير والله لازم اغض البصر بس خلاص، طيب انا اصلا غاض البصر بس الحظ دايما نقعد مقابلين بعض بالقهوة

خلوني اقولكم شنو مكتوب على العلبة اللي فيها اللعبة

Looking for the Perfect Husband, Partner or Boyfriend?
Well, here he is!
This Inflatable Man is Perfect because he:
Never watches Sport on TV (aham shay)
Loves to take you shopping (ham aham shay)
Asks you before planning anything (ok ham el surprises 7elwa b3d!)
Hates going to the Pub without you (mmm well hehe ok nevermind)
Tells you how much he loves you (7asab el wath3, mo kel dgeega!)
Never gets drunk (la la mabiiii, i want him to get drunk :D)
Loves to cuddle (ok nice)
Says you look lovely just as you are (eee lazem)
Loves romantic candlelit dinners (shoot me)
Understand you (he should)

بس حسافة حجمها صغير مو كبير، اول مانفختها صرت اطق (اضرب بالعربي) اللعبة واسب على لونلي
HeHe

! السيد أعشاب



مرة سويت تيست (اختبار) عن العلاقات بالفيس بوك او تيكيل، نسيت وين، المهم طلعت النتيجة اني انا مغناطيس للسايكو!!! وكاتبين اكثر اللي يطلعولي ناس معتوهة لانهم دائما يرون فيني الامل والنجاح لهم!!! يا سلام؟؟ عنهم مانجحوا بس ليش انا اطيح في ناس معتوهة!!!! وفعلا كثير معتوهين مروا علي

المهم، يوم كنا على اساس راح نطلع
Date
تقابلنا وطلعنا بسيارة وحدة (سيارته) والطريق الى فندق الموفمبيك كان كابوس، اول شي كان حاط على اذاعة
Easy 92.5
عارفين ايش هالاذاعة؟؟؟ عارفين موسيقى الاسنسيرات؟؟ لمن تركبو اسنسير مو يكون فيه موسيقى تخليك راح تنام؟ واذا طولت وانت تسمع راح تنتحر؟؟ بالضبط هالاذاعة كلها هالنوع من الموسيقى

سألته بكل ادب وبراءة المادري شنو في عيني عن الاغاني اللي يحبها، يقولي مايحب الا هالنوع من الموسيقى (لانها تسوي استرخاء للاعصاب) اوووووووكي انت حدك
TURN OFF
المهم انا مليت وبطبعي انا ملقوف وشيطون فا علطول غيرت المحطة عشان بس لا انتحر

طريقة كلامه؟ ياااااااااااااااااااااااااالهوي يعني انا من اول فيني قولون عصبي بس هالمرة انفجر قولوني خلاص، وفوق هذا انا برجي الحمل يعني اكره البروووووووووووود
يكلمني احس انه راح ينام خلاص وهو يتكلم، وطبعا انا ملسووون واللي بقلبي على لساني ماعرف اسكت، فا سألته (وحاولت اخلي سؤالي بأفضل صيغة دبلوماسية عشان لا اكون بيتش) عن السبب انه يتكلم بهالطريقة،
شنو كان الرد؟؟؟
انا هذه طريقة كلامي عشان امتص (لاحظوا امتص) غضب (كمان لاحظوا غضب) الشخص اللي امامي
طبعا يقولها بأكثر طريقة باردة ممكن يتصورها العقل البشري
ياريت لو في طريقة احطلكم صوتي مع البوست عشان اقلده لما يقولها، لان الكلام مايعطيه حقه صراحة

طبعا انا ردي كان واضح، اسلوبه راح يخلي البني آدم مو بس يعصب الا يموت وحضرتك تبي تمتص ها؟؟ مصك قرد

طيب ياريت لو كان هذا الموضوع وبس، عادي، الاسوأ دخل بالمحرماااااااااااااااااااااااات الريكية، الشيشة
@@
صار يتكلم عن اضرارها وانه ابدا ابدا مايحب يقعد بمكان فيه شيشة، وعاد انا عندي الشيشة اهم منه، انا طبعا مسألة نقاش الشيشة خلاص تعديتها من زمان، اللي مو عاجبه الشيشة يعني يحل عن ريكي احسن

وفوق هذا شافني طلبت قهوة سادة، وراها محاضرة اخرى (بعد محاضرات الامتصاص والشيشة والغضب ومش عارف ايش) وصار يتكلم عن اضرار القهوة، وكانت الساعة 9 وقالي بس على هالحالة ماراح تنام وراح تسهرك ويمكن تصير الساعة 12 وانت مانمت
لوووووووووووووووووول قلبه ابيض والله ضحكني
1. اصلا ماقامت تأثر فيني القهوة خلاص صارت بالنسبة لي ماي
2. عفوا بس الساعة 12؟؟ شنو انا عمري تسع سنوات عشان انام اصلا الساعة 12 وااااااي بطقه

وفوق هذا والقشة التي قسمت ظهر البعير، يقولي لازم تشرب اعشاب بدل القهوة والبيبسي، ولازم آكل اعشاب (وكانت محاضرة الاعشاب اطول محاضرة) شنو انا غنمة ولا خروووف عشان آكل اعشاب؟؟؟
شنو اعشاااااااااااب؟ مريم نووور الاخ؟؟؟
ماحب اعشاب زين!!! هذه اخرتها اعشاب، ولما عرف اني ما اكل اجبان وما اشرب اي شيء من مشتقات الحليب، يقولي طيب جرب الجبنة بالاعشاب (يعني عطاني حل الاخ) واااااااااااااااي لالا كان اسوأ موعد بحياتي والله

طالع مع ريكي ويقوله اعشاب، طيب انشالله المرة الجاية بطلب شيشة بالاعشاب

الشي المزعج لما يطلع معاك واحد ومن اول مرة يعطيك مليون محاضرة عن نوعية حياتك والاشياء اللي تحبها وقمة بالبرود الللللللللله، عفوا انت منو عشان تقولي شنو الاحسن وشنو الاسوأ، يعني بصفتك شنو؟؟؟

آل اعشاب آل

كوكتيل الأسبوع



حبايبي اللي عندي بالماسنجر، انا سوري من زمااااان مو داخل الماسنجر، مايخالف اعذروني، وكمان ارتاحو مني شوي :D
............

المدون memories of gaysha
لازم اشوفله Nick Name
يعني مايصير كل ما اكتب عنه احط اسم مدونته اللي اهي اصلا ساعة مشي
طيب اهو المدون خالد
مممممم شنو شنو، اووووه اوكي بما انه برجه الحوت وطبعه بارد خلاص النك ماله بكون
Icy :P
HeHeHeHe
اوكي خلاص نكك الحين آيسي، بس عشان الكتابة تصير اسهل عرفت؟
And I missek so much :(

في شي غريب دايما يصير كل ما اكلم آيسي، دايما عيني انا وياه اول مانشوف الساعة تكون ارقام متشابهة، صارت من اول ماتعرفنا على بعض لحد اخر مرة كلمنا بعض اللي اهو اليوم الفير (الفجر) اف تعبت من تغيير اللهجة

يعني كل مرة يا انا او اهو بالصدفة اي واحد منا بالصدفة عينه تطيح على الساعة تكون ارقام متشابهة، اكيد في سر؟؟ بلشت اشك انه يكون المهدي المنتظر، مادري بس صدفة حلوة
............

اوكي انا اكتشفت اني ماقدر انام مع احد على سرير واحد، وحتى بغرفة وحدة
(النومة اقصد نومة نومة عادية)
يعني احب انام براحة، مابي اسمع اصوات شخير، مابي واحد يتحرك كثير بالسرير، وبعدين عفوا خلك بصوبك الخاص من السرير، مو تاخذلي السرير كله وانا نفس النملة بالزاوية نايم!!!! الله يعين اللي راح يرتبط فيني لانه وحدة من شروطي القادمة بتكون كل واحد بغرفة او كل واحد بسرير، الا اذا كان بالنومة هادي وايد لانه نومتي خفيفة واقوم حتى على صوت النملة يعني حرام اتعذب
............

احم احم
عيد ميلادي April 4
حضروا هداياكم من الحين، شفتوا شلون قلت من الحين عشان محد يقولي والله مافي وقت وتأخرنا...خلاص مافي اعذار وناطر الهدايا

ومن الحين بشوف بحجز اسافر الويكند اللي بعد عيد ميلادي على طول، بروحلي يومين اغير جو، وبما انها بس يومين يعني ويكند يعني بكون مكان قريب، يا بروح البحرين او دبي او جدة اتحرش في آيسي، لازم احلل عيد ميلادي بسفرة، شرم ماينفع بس يومين

عيد ميلادي بيصادف يوم السبت، وحفلتي مع اصدقائي بتكون الخميس عشان ويكند وراح يكون ال
Theme
عن الديسكو :D
يعني كل شي من ديكور وغيره راح يكون على هيئة ديسكو، لاني فكرت بثيمات بس مافي ببالي شي
(انا واصدقائي متعودين كل واحد يختار ثيييم لعيد ميلاده)
وبما اني احب الديسكو ومافي بالكويت لا ديسكوات ولا هم يحزنون، خلاص بخلي عيد ميلادي ديسكو

اااااااااه احب اصدقائي، اعتبرهم عائلتي مو بس اصدقائي، احنا كلنا خمسة وعلاقتنا مع بعض اكثر من صداقة وحتى اكثر من اهل، الله يخليهم لي
Lovekum wayed :*
والحلو انه ثلاثة منهم يدرون اني مثلي، والرابع اخوي زي الاطرش بالزفة مايدري عن شي، وانا الخامس :P
ووحدة من الثلاثة تعرف اني مدون وكمان تعرف شنو مدونتي لكن وعدتني انها ماتدخل ولا تقرا، بس ما اثق لووووول
انتي حللللللوووووووووة اتيننيييييييييييييييييييييييييييييييييييين بس المهم طلعي بررررره :D
............

Ok now i'm in love with Rum!! Seriously, try Rum with Diet coke, Ice and Limon.. Yummy

تقدم جديد للمثليين



أقرت الحكومة السويدية مشروع قانون يجيز الزواج المدني والكنسي للمثليين مع مطلع شهر أيار (مايو) المقبل، وذلك بعد موافقة الأحزاب الثلاثة المعتدلين المحافظين والليبراليين وحزب الوسط على مشروع القرار فيما تحفظ الشريك الأصغر في الائتلاف الحكومي الحزب الديمقراطي المسيحي المعارض على استخدام كلمة "الزواج" لمثلي الجنس

وتسعى الاحزاب الثلاثة الى نص قانون حيادي يلغي فكرة حصر الزواج بين الرجل والمرأة فقط. وأشارت الى أنه من حق أي شريكين مهما كان جنسهما التعبير عن مشاعرهما ورغبتهما في العيش معا. ويسمح القانون الحالي بالزواج المدني والكنسي للمرأة والرجل فيما يسمح للمثليين تسجيل بيانات تثبت شراكتهما في المسكن لدى الدوائر المدنية. إلا أن مشروع القانون الجديد في حال تم تبنيه من قبل الحكومة سيسمح بالزواج المدني والكنسي إضافة الى حق الزوجين المثليين تبني الأطفال

من جهته أعلن الحزب الاشتراكي الديمقراطي المعارض، أكبر الاحزاب في البلاد، تأييده لمشروع القانون الامر الذي يساعد على كسب تأييد كاف لاعتماد التشريع في البرلمان السويدي. وأظهر استطلاع أجراه التلفزيون السويدي موافقة 68% من القساوسة في الكنيسة على أداء مراسم زواج مثليي الجنس في الكنائس. فيما رفض 21 % منهم الزواج الكنسي وامتنع 11% عن التصويت

وتنوي الكنيسة السويدية مناقشة مشروع القانون في اجتماع سيعقد الخريف المقبل. يذكر أن المثليين في السويد يعملون بشكل منظم ضمن نقابة خاصة بهم ويلقون التأييد من معظم الاحزاب السياسية في البلاد. وهم يشكلون قوة سياسية فاعلة تسعى الاحزاب كافة الى كسب تأييدهم خاصة خلال الانتخابات الحزبية والبرلمانية