زيارة ولا احلا

سافر صديقي البلوجر

memories of a gaysha

حسافة احس تعودت عليه بالكويت وكان نفسي لو مايسافر ويعيش بالكويت



اغنية الاسبوع (علي) للفنانة كارول سماحة صارت اغنيتنا، كل ماتشتغل بتشي تشي واحنا نشيش او بالاف ام واحنا بالسيارة ندخل جو ونصير نغني معاها..ااااااااااه حبيت الاغنية مع انها شوي هبلة..شوي مو وايد



احب المقطع اللي تقول فيه:

علي ياحبيب الناس، جيبك ملك الافلاس، لاعندك بيت ولا حتى معاش، يايكون الجو كده يابلاش



ههههههههههه هالمقطع يذكرني بللي اتعرف عليهم



المهم، حسيت بشعور حلو وكنت متحمس وصديقي البلوجر مو بس يشوف بعينه، لكن ايضا يعيش كل اللي كتبته من ناس واماكن وجو عام بالمدونة



من تشي تشي ومافيها، الى الملكي ولونلي اللي كان مادة اساسية بالحش (الحش ترجمتها في بوست سابق وبكل صراحة مالي خلق اعيد ترجمتها، اما مالي خلق فمعناها اف ممممم اقول طوفوا هالمقطع خلاص ترى عصبت)



حسب كلامه، قالي انه لما الواحد يقرا اللي اكتبه ممكن يحس اني ابالغ، لكن لما يشوف الواقع بعينه يعرف انه كلامي بالمدونة واقعي وحقيقي وموجود



اكتشفت انه يحب التسوق، كل ما اغيب عنه لحظات القى معاه اكياس من محلات مختلفة، وهالشي خلاني احبه لانه يقدر معنى التسوق هاها



الحلو انه آخر يوم اكتشفنا مع بعض مقهى سميناه (الطابق السابع) واحنا اصلا كنا رايحين مكان ثاني لكن وقفنا في الطابق بالصدفة واول شي شفناه مكان شكله ديسكو بكل معنى الكلمة، دخلنا وفعلا الجو ديسكو والناس اللي هناك ااااااااااااااااه ماراح اتكلم خليه اهو اللي يقول، ناس تفتح النفس، وطبعا شاف بعينه عملية تعارف شاب من الشاب على الهواء مباشرة بطريقة وايد وايد كيووووووت هاهاها... احم احم انا ماراح اقول شي، هاهاها



احب اقولكم ان صديقي البلوجر راحت عليه الطيارة لان مشالله عليه قرأ الساعة

16:00

على اساس انها

6

وطبعا اضطر انه يحجز مرة ثانية على الطيارة اللي وراها



اليوم بعد ماوصلته المطار رحت القهوة، حسيت بمكانه فاضي، شاركني بكل مكان اروحه وتمشينا بكل مكان وكانت ايام حلوة كلها مغامرات ووناسة وضحك .. بصراحة افتقدته من الحين



بالسيارة لقيت كيس من محلي المفضل انيرجي وطلع صديقي البلوجر شاريلي شوووز عجيب وااااااااااايد واااااااااااااااو كهدية وماقالي الا وانا في البيت، صراحة اخجلني واحب اقولك شكرا شكرا شكرا ومادري شقول اكثر



انا ماعطيت زيارته حقها في هذا البوست، في كلام كثير كثييييييييييييييييير لازم ينقال وينكتب لكن راح اخلي التفاصيل المملة للمرة القادمة



راح يكتب صديقي البلوجر بوست وطلب اني احطه في مدونتي، لما يخلص البوست راح احطها عندي في المدونة وطبعا راح انوه انه اللي كاتبها صديقي الغالي

memories of a gaysha

Some of my stuff

هالنكلس صار مو بس شي مهم عندي، احسه صار جزء مني، مع انه عندي غيره مليون بس هذا بالذات غير، صرت يوميا البسه واحسه جزء يعبر عني مادري ليش.. هالنكلس مكتوب عليه كلمة

Friends

وعبارة عن نص قلب، لكن المميز فيه الوانه، لونه يتغير طبقا للمزاج والحالة النفسية اللي تحس فيها بوقتها، وكل لون سواء ازرق او اخضر او بنفسجي او بني او على احمر يرمز لشيء معين. تدرون شنو الغريب؟ الغريب انه من اول مالبسته لليوم وكل لون فعلا يمثل شعوري ومزاجي بوقتها، لدرجة صرت اصدق هالشي وصرت اتوقع اللون من غير لا اشوف. يعني انا مستغرب شلون مضبوط لهدرجة. طبعا انا عارف كل لون وشنو معناه بس قررت اني ما اقول حق احد عشان ما اسمح للشخص اللي يشوفها يحدد انا شنو مزاجي الحين. لاني قلت معنى كل لون حق شخص وصار كل مايشوفها يعرف انا شنو شعوري ومزاجي

تدرون منو اللي عطاني اياها؟ لو انكم متابعين مدونتي راح تعرفون علطول.. عطاني اياها نفس الشخص اللي كان يهديني وردة صفرا بكل مرة يشوفني فيها، كنا طالعين من الهيلتون كنا نشيش عالبحر وراها وقف السيارة وقالي غمض عيونك، غمضت ولبسني هالنكلس وقالي معنى كل لون فيها

هالانسان من بين كل اللي عرفتهم مازال تأثيره علي كبير، للحين له مكان بقلبي على رغم الاختلافات اللي فرقتنا

اااااااااااااه هالكارد لقيته بمحل بارتي لاند بالمارينا مول، علطول طاحت عيني عليه واستغربت شلون اصلا موجود وينباع، اول الكرت جسم حلو ومكتوب (اترجم بالعربي) على الغلاف: اعلم كيف تحب ان تكون حلوياتك

ولما نفتح الكرت نلقى صور مختلفة لشباب بشكل مغري ومكتوب: لهذا احضرت لك مجموعة منوعة، عيد ميلاد سعيد

طبعا انا قررت اني آخذه واهديه حق نفسي، مع انه عيد ميلادي مو الحين بس كيفي

نتيجة الاستفتاء: زواج المثلي من المثلية

السؤال كان: هل ترى ان زواج الشاب المثلي بالفتاة المثلية حل لكلاهما ووسيلة للتخلص من ضغط المجتمع فيما يتعلق بالزواج؟

الاغلبية وهم 57% اجابوا بنعم

و 42% قالوا لا

طبعا في باقي واحد بالمية دايما تضيع مادري وين تروح، يلا اعتبرها حقي انا وجوابي نعم طبعا

مافكرتوا فيها سابقا؟ لو كان هناك ضغط من الاهل على الشاب ليتزوج لكنه مثلي، ونفس الحالة للفتاة المثلية، ألا ترون انه لو تزوج شاب مثلي بفتاة مثلية اولا سنكون حققنا رغبة واصرار العائلة وبنفس الوقت اتفاق للحرية بين المثلي والمثلية؟

لماذا لاينتشر هذا النوع من التفكير الايجابي؟ طبعا اكيد في شروط وهو ان يكون كلاهما على قدر المسؤولية واحترام بعضهم البعض وان توضع اساس للعلاقة بينهما وكيفية التصرف امام العائلة، وبنفس الوقت يضمن كلاهما العيش براحة بدون عوار راس الاهل وازعاجهم بخصوص الزواج

عندي صديقة مثلية كانت تفكر في نفس الموضوع، اهلها يصرون عليها بالزواج، وهي تعلم ان قريبها مثلي لكنه لم يقل لها، اقنعتها بالتحدث معه واقناعه بالفكرة خصوصا ان عائلتها لاترضى بزواج فتاة الا من نفس العائلة، وايضا نفس الاصرار يقع على قريبها المثلي، بالاخير سمعت كلامي وامس اخبرتني ان العائلة سعيدة بزواجها من قريبها، وهي اخبرته بكل شيء واتفقوا، الان هي وهو سيكونون حققوا اصرار اهلهم بالزواج وبنفس الوقت يبدأو حياتهم الطبيعية كمستقلين بعيدا عن الرقابة اللصيقة من الاهل

الشيء الايجابي في عائلتي انهم لايضغطون علينا للزواج، فهم يعتبرونها اختيار شخصي وخاص، لكن لو كنت تحت هذا الاختبار لبدأت بالبحث عن فتاة مثلية للزواج وطبعا لازم بالبداية الشخصين يقتنعون في بعض كشخصية وكعقل وطريقة تفكير واسلوب حياة حتى تكون الامور سلسة في بينهم

مارأيكم بالفكرة؟ هل تصلح كحل لضغط الاهل على المثليين بالزواج؟

Extra

Ok ok ok ok okiiiiiiiiiiiiiiiiiiik i know wallah it's not Sunday bs mmmm...

LONELY IS JUST BESIDE ME @@ ga3ed yammy as bel thab6 beside me @@

we "my blogger friend and me" just entered Malaky sheesha place, ana i called them in my way to prepare my sheesha and my madry shloon luck 6ala3 ena they put my sheesha right beside him.... ok min kether my confusion i decided to write and my blogger friend decided to hear songs using my ipod hehe (oh btw, my blogger friend fall in love with Lonely too hehe).. tell you later about our days me and my blogger friend.

we suppose to watch a movie after 2 hrs hehe madry madry... please take hal zoo'3a away, wallah i swear lonely is zoo'3a big time my god sheno hatha???