Sunday, July 19, 2009

T



القانون الذي كنت قد وضعته لنفسي وهو حرمان نفسي من التعارف بالمقهى الملكي كسرته قبل ذهابي لدبي بيوم واحد، وطبعا انا لست من الاشخاص الذين يأخذون الخطوة الاولى، اذا ماذا حدث؟


الله وناسة من زمان ماتكلمت لغة عربية على لهجة محلية وكوووسا

:D
اوكي اوكي نكمل
احم، هاي :) شلونكم؟ ماولهتوا علي؟


الشاب الطويل الرياضي الاسمراني اللي صارله فترة طويلة يطالعني ومايشيل عينه عني، صراحة وصلت معاه لدرجة اني انا كمان صرت معجب فيه لدرجة كبيرة، على يوم كان الفجر وكان الجو هادي، حبيت اني اتحرش بس بما اني ما اخذ خطوة اولى، شنو سويت؟ او ماذا فعلت؟


شغلت البلوتوث وكتبت "بسك خز"وبالترجمة للعربية معناتها مممم لحظة افكر (يعني بطل نظرات) اوكي اوصلت؟


شوي لقيت بلوتوث هاها يعني الاخ كان يحاول، ارسلي (انته اللي تخز وايد) وراها ارسلته (اولا شلون عرفت انه هذا انا واني قاصدك انته؟) هاها صدته، وراها كتبتله انه خلاص مافي خز من هاللحظة، وراها ماقمت اطالعه كلش، حسيت انه توهق وحس اني طرت منه وبعدين قالي اخذ رقمي وخلنا نسولف


بدون ما اطول عليكم طلع الاخ يطالعني ومعجب فيني من ثلاث سنوات من ايام الموقع القديم للمقهى الملكي، طاح بلسانه هاها والاخ كان مسوي نفسه مايطالع، عاد يقولي انته نفسية وماكنت تلاحظني وانا اشوفك واطالعك من زمان


عاد اوكي شنو اللي عجبني فيه اكثر شي غير طوله الااااااااخ وجسمه الاااااااااااخ ولونه الااااااااااااااااااخ، عجبني لانه حقير!! شلون؟؟ ابدا مايبتسم، ربعه يعاملهم بنفسية لووول، نظراته حقيرة بس معاي انا غير، اول مايحط عينه بعيني يعطيني ابتسامة ساحرة، ابتسامة اصدقائه ابدا مايشوفونها اما انا يصير معاي غير :) وناااااااااسة احب واحد حقير ونفسية مع الكل اما معاي انا غير هاها كيفي

انا دايما البس قلادة على حرف
T
وهي من زيارتي لدبي الشتاء الماضي وطبعا وراها قصة بس ماراح اكتبها الحين، الصدفة كانت انه هذا الشخص ايضا اسمه يبدأ بنفس الحرف، وصار يقولي الحين صارت لها معنى واني لازم دايما البسها، ياحظي انته شكو بالله؟ انته اللي معطيني اياها؟؟

المشكلة كانت واحنا قاعدين بالقهوة كل واحد كأنه مايعرف الثاني، ايضا مكالماته معاي صار يدخل نفسه بأدق خصوصياتي وهالشي غلط بأول العلاقة، لدرجة صار لو شاف عندي خط ثاني يزعل!!! لالا ما اتحمل هالحالة ابدا لكن لازم اطول بالي

اول مرة كلمنا بعض على انفراد كان تحت عند القهوة وكان الدنيا ليل وسولفنا شوي وراحت

ثاني يوم كان الصبح وكنا نتكلم عند سيارتي لحد ماحسيت بالفاجعة، اسنانه اووووه لالا مو صج صفرا ومكسرة يعني داخل الفم دمار شامل، وهنا كل الاعجاب انهار في لحظة!! يعني بابا حبيبي مو قادر تزور طبيب اسنان؟

وكانت نهاية رجل شجاع :D
اشوة اني مابسته لووووول

وراها عاد ايضا قصة من الملكي لكن حسب قانوني اني ما اكتب عن شي الا لما ينتهي، فا ماراح اكتبلكم عنه الحين :) مازلنا نعيش اللحظة ولا اعلم هل تنتهي بشكل كامل ام تنتهي بعلاقة، الله اعلم، لكن قصة هذا الشاب غير وخصوصا انه مو زبون، واكتشفت انه صار زبون عشاني :) التفاصيل بعدين

نتيجة الاستفتاء



السؤال كان: هل قمت بزيارة المقهى الملكي او تشي تشي؟ طبعا هذه القهاوي اللي دايما اقعد فيها واتكلم عنها وايد


شخصين راحوا الملكي من قبل لا انا اتكلم عنها بالمدونة، ياسلاااااام يعني طلع في اثنين يقرون المدونة بالملكي من اول هاها


ثلاث اشخاص راحوا الملكي بعد قراءتهم للمدونة


وكمااااان شخصين راحوا تشي تشي قبل قراءتهم للمدونة، ممممم وناسة

:D


وشخصين راحوا المكانين بعد قراءتهم للمدونة (حبايبي انتو اموت باللقافة حبيتكم خلاص) هاها


اما البقية ماراحوو ولا وحدة


طيب حلو اني اعرف انووو ناس زارو القهوة بعد قراءتهم للمدونة، وحلو كمان اعرف انوو في اشخاص كانو اصلا زباين هناك من اول... مادري بس وناسة وانشالله تكونون استانستوا بالشيشة :P

الصورة اللي تشوفونها هذه بلاميزون دو كافيه البحرين، اشرايكم بالراس؟ اكبر من الطاولة :D

كوكتيل الأسبوع



اسبوعين من المعاناة مع ضرس العقل، وطلعتلي لدغة هاها صار كلامي حلو مع اللدغة بسبب ضرس العقل بس حسافة راحت اللدغة مع انتهاء الالم، اللدغة كانت مواساتي لانها حلوة ونستني العوار
............

مع التمارين بالنادي اكتشفت ان الشيشة صارت اصعب!! صرت اتعب بسرعة من الشيشة! اتمنى هالمعاناة تنتهي لان حرام اخذ موقف صعب واترك النادي :(
يعني اكيد ماراح اترك الشيشة طبعا
............

ابي احد يشترك معاي بالنادي، قاعد اروح الفجر عشان اتجنب الزحمة، ابي احد يروح معاي عشان اصير اروح بالليل، لاني لو رحت بالليل لحالي راح انحرف، وطبعا ماتبوني انحرف صح؟ :D
............

اول مرة احس بشعور اني فعلا لقيت الشخص المناسب واللي دايما كنت اتمناه، وللحين ماشيين صح، مممممم ودي اكتب اكثر بس بعدين بعدين :P
............

Adivce for those who drink... never ever drink when you're tired and your stomach is empty!! then you'll get high in minutes and then end up with a stranger in your bed :D
............

دبي بالنسبة لي دمار شامل!! يعني مفروض ما اروح دبي الا لما يكون معاي كريدت كارد مفتوحة عشان اشتري على راحتي
شنو ابراج الامارات؟ شنو مجمع وافي؟ زوغة والله زووووووووغة حسيت انه فيلا مودا اللي عندنا عبارة عن مكب نفايات، اااااااااااااااه اااااااااااااااه بس اااااااااااه على الشوبينق بدبي
............

على طاري الامارات، حرام الامارات دولة خليجية، النظام عندهم شيء عجيب، احس اني بدولة اوروبية من ناحية النظام والقانون السائد، اتمنى ان تبقى الامارات على حالها والا تصيبها عدوى الدول الخليجية التي لاوجود لقانون محترم فيها، فديت دبي وابوظبي، الباجي للحين مازرتهم :P
............

في كلام كثير ولاني قاطع من فترة لازم اقولكم كل التطورات، بس مو الحين خلاص كافي هالاسبوع، بس والله والله خلاص ماراح اقطع، ادري سمعتوها كثير بس خلاص والله هالمرة غير :D

Lovekum wayed :*****

البحرين










ااااااااااااااه عالبحرين ويلوموني ليش احبها؟ روحو وشوفو البحرين وشوفوا حلاوة وطيبة اهلها ومحد راح يلومني

اخوي قالي راح يروح البحرين بالسيارة ليوم واحد فقط، يزور احد اصدقائه ويرجع، سألني تروح معاي؟ انا صارلي فترة طويلة مارحت البحرين، اخر مرة من اكثر من سنتين، قلت يلا اروح معاك

طبعا بالبحرين قضيت يوم مع اخوي وصاحبه من اسوأ ايام حياتي، صاحب اخوي ممل وياخذنا اماكن غريبة وفعلا كنت معصب لدرجة صرت
rude
وايد مع صاحبه، ثاني يوم طلعنا من الفندق وسوينا
check out
واحنا بالسيارة انا معصب وحزين بنفس الوقت واتحلطم (اتذمر) اني ماستانست بالبحرين، وقلت حق اخوي فيني روحة الحمام ابي ارووووووح الحمام، وانا مابي اروح حمام الا بسيتي سنتر لووول خصوصا انه هالمووول بالنسبة لي جديد وماشفته، قالي اوكي وصلنا الباركنج، لما نزلت من السيارة عصبت وقلت لاخوي شنو فيها لو تاخذ يوم اجازة؟ خلينا نقعد يوم، حرام عليك انا ماستانست كلش :( ليش ماتسوي شي يديد وخلنا نقعد يوم :((((

طلعت من الحمام وكان الخبر، راح نقعد يوم المهم ياريكي تكون مستانس، واااااااااااااااااااااو ادري شكلي صار عبيط بس صرت انط داخل المجمع من الفرحة، قالي اخوي
OMG your happiness is priceless hehe

طبعا قضينا احلا يوم بالبحرين

بس احم احم شنو سالفة شباب البحرين؟ شنو صار فيهم؟ وكأن نيزك من الجمال والسكسية والهووتنيس انفجرت بالبحرين، لالالا صراحة شوفوا يا شباب الكويت، اتوقع شباب البحرين راح يقولون لكم استريحووووو، يعني بالبنديرة بالعدلية شوي وانط بحضن واحد قاعد هناك، واي واااااي فديت شباب البحرين خلاص ابي ارتبط ببحريني :D

اما سيتي سنتر المثليين فيها كثييييييييييييييييير بشكل وااااااااو

انا عن نفسي يمكن الف الدنيا كلها واستانس عادي وارجع، الا البحرين لما ادخلها احس نفسي ابوس الارض، احب هالدولة بشكل غريب، كانت هالمرة زيارة سريعة بس كانت حلوة لانها بأيام الاسبوع مو ويكند، يعني مافي كثير احم احم من حبايبنا الدول المجاورة اللي يخربو البحرين، المرة القادمة لازم ازور البحرين وعن قريب لكن بروحي :D

هالصور من سيتي سنتر كانو مسووين معرض عن الحشرات لووووووول، حبيتهم اشكالهم حلوين مع اني اكره الحشرات بس شكلهم يضحك :p

Pulse
هالديسكو عجيب بالجفير، من اول مادخلت من الباب وانا ارقص لوووول، واهم شي وانا طالع واحد يقولي مع السلامة، يعني مالقيت تسلم علي الا واخوي معاي؟ لالا لازم اروح المرة الياية بروحي، وعلى فكرة هالديسكو كان فيه كثير مثليين