Sunday, July 18, 2010

الماضي له ظلال

من سنتين تقريبا تعرفت على شاب وطلعنا رحنا قعدنا في كافيه، واحنا قاعدين كنت متأكد ان هذه اول واخر مرة اطلع معاه لانه من الناس اللي اكره اكون معاهم، كل كلمة والثانية "انا وانا وانا" ويتصرف وكأنه امبراطور جزر الواق الواق!!! وطبعا انا ريكي يعني عصبية وعناد وراس يابس على كيف كيفكم! لولا الشيشة ولا كان طلعت وخليته، كان انسان ضعيف قصير شكله نقطة نفسي لوول وكان كل كلامنا عن السياسة.. المهم الغلطة اني انا كنت ماخذه من صوب سيارته ورحنا بسيارتي فا لازم الحين ارده سيارته، رادين وعلى شارع الخليج العربي كانت درجة حرارتي واصلة عالاخر لانه بس خلاص قدرة تحملي انفجريت، كان سخيف وبايخ ومعقد وشايف نفسه عالفاضي، حاولت كثر ما اقدر امسك نفسي وبكل برود وابتسامة خبيثة مني قلتله حبيبي ممكن تهدا شوي وتحترم نفسك وتصير بني ادم طبيعي ولا بنزلك بالشارع!! فاجأني وقالي اتحداك تنزلني بالشارع! اووووووكي حبيبي انت انا ريكي لحد يتحداني بشي ترى عادي انا مينون وعلي وعلى اعدائي، قالي اتحداك. وقفت بنص الشارع وقلتله يلا بره انزل، نزل من السيارة وكملت طريقي.... بعد شوي حسيت بتأنيب الضمير، وبما ان ضميري اقصى مدة صلاحية له هي خمس دقائق باليوم، فا قررت ارجع قبل لا ضميري يرجع للغيبوبة... رجعت لقيته يمشي عالشارع هههههه يستاهل مافي حد يشوف نفسه امام ريكي. المهم قلتله يلا اركب انا بس كنت امزح وانت بعد تحديتني، قالي لا ماراح اركب ، قلتله اركب يلا، قالي لا، قلتله شوف هذه اخر مرة بقولك اركب ولو عاندتني مرة ثانية لا ادعمك ةمافي حد راح يدري عنك وكلب ومات!!! خلصني واركب!! فعلا يومها قولوني العصبي اشتغل... وراها ركب معاي وصلته سيارته وقلتله بليز لادق علي وبس، وهذا الكلام كان من سنتان

من شهرين وانا كالعادة بالقهوة اشيش ياربي في واحد يطالعني مو بس نظرة اعجاب، كانت اكبر، نظرة اعجاب معاها نظرة وله نظرة شوق وفوقها نظرة اسد توه شاف دياية مشوية، اوكي عادي انا ماهتم المهم اكمل شيشتي الحلوة، وراها قمت رحت السيارة اخذ اللابتوب، توني اطلع اللابتوب ولا واحد وراي، فجأة مد ايده سلم، انا من الصدمة ماسلمت اوكي هلا بس منو؟ قالي هذا رقمي بكلمك بس الحين ماراح اقدر اكلمك براحتي، اطلع واكلمك، اوكي يومها كان مزاجي رايق ومشيتها وعطيته رقمي، كان شخص رياضي من الدرجة الاولى، شكله مألوف لكني ما اعرفه، اسلوبه رقيق وبنفس الوقت مينون

كلمني شوي متأخر وانا كنت رايح البيت، سولفنا ولا يقولي :ماتتذكرني؟ قلتله ليش مفروض اني اعرفك؟ قالي ما الومك شكلي تغير بشكل كلي، قلتله مستحيل انا ما انسى اي بني ادم بحياتي الا في حالة وحدة، اذا ماكنت اعرفه وشايفه بس مرة ولوقت قصير وكان انسان مو شي، قالي انا هذيل كلمهم!! اوكي انا انصدمت واللقافة اشتغلت وقلت الا تقولي والاخ مو راضي يقولي لا، قررنا نروح ناكل وبنفس الوقت نتكلم، مرني وطلعنا بسيارته واحنا بالطريق وهو يتكلم عن امور الحياة وكل شي، فجأة صوته كان له تأثير فيني، وهو يتكلم اكثر وصوته يأثر فيني اكثر وفجأة فلاش باك طلعلي مرة وحدة ولاشعوريا قلت
OMG! SHIT! WTF! NOOO
ابتسم ابتسامة خبيثة قالي تذكرت؟ اوووه مممم اعتقد اي لووول، قالي شنو تذكرت، قلتله لا ماكو انت قولي، قالي لا بسمعها منك، قلتله اوكي تذكرت الشكل طبعا غير متغير بشكل كامل بس صوتك ذكرني، انت البيتش البايخ اللي شفته من سنتين ونزلتك بالشارع ورديت اخذتك وكان اسوأ ديت في حياتي، قالي مممم تبيني اردها لك وانزلك الحين بالشارع؟ قلتله ياريت تسوي فيني خير وبدال السيارة الف بكونون تحت امري بدقيقة فا يلا نزلني، قالي لا بكون انا احسن منك ويضحك، قلتله عفيه مو ناقص ديت ثاني معاك بليز لا ردني، قالي خلنا نتكلم بليز، وراها اعترفلي انه كان انسان سخيف وحقير مو بس معاي، مع الكل لظروف عائلية ونفسية وقالي كل الظروف وانه الحين رد لطبيعته بعد ماخسر كثير ناس ومن هالكلام، صراحة في شي شدني لهالانسان، يمكن جنونه وانا احب الانسان الراقي لكن بنفس الوقت يكون مجنووووووون

قررنا نطلع ديت وتكون مشروع للعلاقة، مشكلته مثل باقي الكويتيين يبون العلاقة من ثاني يوم وانا دايما اقوله هالشي غلط ولازم نكون فترة طويلة ديت قبل العلاقة، المهم وراها قلت خلاص لا اركز على ال
Labels
وخلها تمشي، صحيح انا غاسل ايدي من موضوع الحب وحاس ان قلبي مجرد مضخة للدم لا اكثر، لكن ولاول مرة بحياتي اكتشفت شيء مثير لووول وهو ان ريكي ممكن يحب! ماتحرك قلبي لحد من قبل الا حق هالشخص، يغار كثير وهالشي ازعجبني لكن مشيتها، مايمر يومين الا نتهاوش ونتناجر وشوي ونكسر بعض لكن الحلو فينا كنا نطلع مع بعض وراها علطول، نكمل النجرة والعصبية بالسيارة وكل واحد يطلع اللي بقلبه وراها نرد حبايب ونروح نغير جو، كان كل شي مثل مانحب، الا شي واحد كان صدمة نفس الطراق عالويه، رائحة فمه دايما كريهة لدرجة لما ابوسه وراها يومي يصير اسود، حاولت بكل الطرق غير المباشرة اني اتكلم عن فوائد طبيب الاسنان وطرق تنظيف الاسنان المتطورة ولكن لا حياة لمن تنادي، حاولت وحاولت لكن للاسف مافي نتيجة، وطبعا رائحة الفم من الخطوط الحمرا اللي مستحيل تكون مع واحد جذي الا اذا كنت انت نفسك معفن!!! وكانت نهاية علاقة

شلون نهيت العلاقة؟ قررت اني اطلع انا الغلطان لاني مابي اجرحه، سويت نفسي اني احب شخص ثاني وطلعت نفسي انا البيتش لكن المهم ما اجرحه

الغريب اني الى اليوم تقريبا خمس مرات بالاسبوع احلم فيه

10 comments:

ضمير مثلي said...

اهلا و سهلا فيك بالاردن والله بتنور ازا بدك اي شي متل دليل سياحي او كزا انا جاهز .... ان شاء الله رح تنبسط

Muslim Arabic Mathli said...

امبييي صج نتفته الريال... على خصوص رائحة الفم ...خله يتمضمض اب زيت زيتون يوخر الريحة ...

Anonymous said...

هاي ريكي ...

نسيت أقول لك ولكم باك ... و آخر بوستاتك "جنان" - بالمصري- ... بس لو تريحنا من هالغيبات الطويلة !!!

و ناطرين مغامراتك بالأردن :)

Pp

TeenEmarati said...

I love your writing style..Its so unique =)
Check out my blog
teenqueer.blogspot.com

Bader said...

Hi Ricky embarak 3alek bajy eshahar o 7emdelah 3ala esalama , how was your trip to Jordan ? miss u my friend :*

Anonymous said...

Finally! I've been dying to read about this story since the day you told it to me!
and BTW... the pic! Great choice XD

keep it up cutie-pie ;)

N.A.

Bader said...

3eedik embarak moqadaman Ricky :) 6alat elgheeba tra ;/

سور القمر said...

فعلا في ناس مادري شلون طبعهم صاير
عيدك مبارك

Anonymous said...

ريكي، أكتب أي شي يدل بأنك حي ترزق!
طوّلت الغيبة هالمرة.

Pp

غريب said...

الوووووووووووووووووو

وينك انت مختفي من زمان ما كتبت شي اشتقنا لك ولاخبارك عسى ما شر