هالمرة البوست باللهجه الكويتية بس ماكو كوكتيل لهجات لاني ابي افضفض واطلع اللي بقلبي يعني ابي اخذ راحتي
لاول مرة اقول، بس خلاص مابي، استسلمت خلااااص, اوكي اول كنت اقول بس خلاص بس بصراحة ماكنت اقصدها، يعني اوكي اقولها بس من داخلي لو لقيت فرصة حلوة لعلاقة اقول مايخالف اجرب يمكن يمشي الحال، بس الفرق هالمرةاني قلت خلاص ومن داخلي بعد اقول خلاص وفوق هذا مستانس و
I really feel good!
مابي علاقة، ومابي مجرد افكر اني بدش علاقة، خلاص بكون
bitch :D
انا صحيح كنت اتعرف يمكن على الناس الغلط ممكن، يعني اللي خلاني امل من فكرة العلاقة انه يا القى واحد اعشاب يا واحد مادري شلون، يا واحد عنده انفصام بالشخصية (يا كثرهم) بس هالمرة اكتشفت انه انا, يس اناااا، ما انفع لعلاقة
احس نفسي ماقدر اتحمل اي نوع من الضغوط، اي ضغط احس فيه علطول انحاش، وهالشي غلط بس هذا انا، وجذي ماينفع لعلاقة
واحس مرات اخلي الواحد بس ياخذ شوي من حياتي، اما باجي حياتي منطقة ممنوع احد يدشها، وهم هالشي ماينفع لعلاقة
يعني الحين الذبانة ماطلعت الا وانا اكتب البوست؟ وكل شوي تتمشى عالشاشة!! عمى بعينج حيوانه ذلفي شايفتني قاعد اكتب اووووف
المهم، انا كنت دايما اعطي العلاقة اكبر اهتمامي، لدرجة صارلي قرن
didn't get laid
يعني شلون بالله؟ ترى انا احب سكس بعد، ليش صارلي دهر صايم لعيون العلاقات؟ مابي خلاص قررت اصير
porn star
يمكن كثير (ممم المفروض وايد مو كثير قلنا بس كويتي، العرج السعودي طالع طالع ماكو فايدة) المهم وايد راح ينصدمون لمن يدرون اني عمري ماحبيت، اكثر شي كان اعجاب، وانا افرق بين الحب والاعجاب، يعني وصلت لاعلى مراحل الاعجاب بس بصراحة انا ولا مرة عشت حب مع واحد، ولامرة كنت بعلاقة طويلة وجدية مع واحد، انا طبعي اذا شفت اشياء غلط علطول اسحب نفسي، وبعد انا اقارن دايما بين اللي بدش معاه بعلاقة وبين ربعي، اقول يا يكون نفسهم وارتاح معاه مثل ما ارتاح معاهم او الله وياه مايشوف شر، ادري وايد فيني اخطاء ويمكن كلها تكون اسباب اني خلاص احس مابي علاقة، خصوصا اني مرتاح بدون علاقة، لو بدش علاقة لازم تكون علاقة اللي تنقلني لعالم احلا، مو علاقة مع واحد يشيبني وانا بروحي مو طايق حتى الذبانة اللي صج بقوم احذفها بالجوتي بس اللي مانعني اني بالقهوة آل يعني تكانه
ادري قراري هذا معناها حتى لو كان في واحد يكون خوش ريال ويستاهل هم راح اخسر هالفرصة، بس بصراحة انا مرتاح لقراري، من اليوم مابي اي علاقة وراح اتنازل عن فكرة يكون عندي بوي فرند من الحين لي بعد 10 سنين، الا اذا كان ايطالي وخواله اسبان اوكي غير جذي لا
والمشكلة بعد عيبي اني ماقدر ابين عواطفي، الجزء العاطفي مني مختفي مايطلع الا لمن اكون بروحي مادري ليش، والناس يبون واحد يبين الجزء العاطفي منه، انا ممكن اللي يعرفني عدل يصيدني من حركة بسيطة او كلمة عادية او نظرة يشوف فيها كل الاحاسيس اللي فيني، بس اللي مايعرفني عدل راح يشوف اني جاف، راح يشوف اني مو مهتم كلش، وهم هالشي ماينفع لعلاقة
انا ادري كل شي ممكن يتغير بأي وقت، بس اللي انا متأكد منه الحين اني مو جاهز لعلاقة حب، ادري ومقتنع انه الحب ايي بروحه بدون لا احس، بس انا بعد مو قاعد اعطي لحد ولا لنفسي مجال، اقوى مافيني شخصيتي العملية وهذا اللي غطى على كل شي ثاني فيني
وفيني بعد شي، صارلي اكثر من سنتين اكتبلكم بس هذه اول مرة اقول، انا
over protected
دايما حاط سور حديدي على نفسي وهالشي يمنعني اعبر عن احاسيسي، يمكن بيني وبين نفسي اخاف انجرح، يمكن بيني وبين نفسي ادري اني راح اغار عليه وماتحمل، عشان جذي على قولة مادري منو اللي غنى (فضها سيره) وانا بفضها سيرة وبمتنع عن اي علاقة، حتى لو لقيت شخص يستاهل بتكون علاقة يا صداقة بس او سكس، اما اكثر من جذي من اولها راح اقول لا وبكون واضح انه لا يعني لا
مممم اعتقد جذي برتاح، اللي بكون معاه ماراح يكون في حب ولا شي جاد، مجرد صداقة، مجرد سكس، مجرد امور عادية ماراح تتحول لحب
ادري في منكم راح ينتقدوني الحين، وهم في منكم راح يقولولي الله وناسه استانس وبس، المهم بس اني الحين قلت اللي فعلا حسيته وانا مرتاح لقراري
