Sunday, October 19, 2008

Bla Bla Bla



اغنية هالاسبوع مدتها نص ساعة، ياويلكم لو ماسمعتوها كلها، انتو مضطرين تسمعوها للنهاية :)
بما اني اعشق الفنان عبدالمجيد عبدالله لدرجة كبيرة حطيتلكم كوكتيل من اغانيه، مقاطع من مجموعة اغاني مختلفة للفنان الرائع مجوووودي

هل تريدون معرفة مقدار حبي لعبدالمجيد؟ اوكي الحين اقولكم

يعني لو كنت انا عايش ايام الاساطير الاغريقية، وطبعا عندهم لازم الف إله يعبدونه مثل ما انتو عارفين، انا وقتها كنت راح اقرر اضافة اربعة آلهة وهم عبدالمجيد وسيلين ديون وشانايا توين واليسا. عرفتوا الحين؟

طبعا مو كل المقاطع بالضرورة احبها، في اغاني لعبدالمجيد ما احبها عادي يعني بس هالمقاطع غالبيتها وااااو

عبدالمجيد دايما اغانيه لها حضور وخصوصا معاي انا، بكل مناسبة سعيدة او نهاية علاقة او وناسة او اي شي لازم تكون لاغنية من اغانيه حضور، اتمنى انكم تستمتعون فيها وتدشون جو :P
............

I Know that you still read my blog you sweet lovely adorable maynooona bitch :P Yeah 9a7 you promised me that you won't cuz it's my own space bs cuz i know enech malgooofa i beileve that you still reading hehehe.... but you know what? ana b3d agra yours hehehehe, yes i know your blog long time ago :P don't forget hun that ana b3d dahya hehehehe OMG i feel that one of our gathering ra7 kill each other hehe. LOVECH WAAAAAAAAYED :****
............

اكره سيارة كامري ابيض، اي خصوصا اللي لونها ابيض، ليش كل كامري ابيض مشروع جريمة؟ اغلب الحوادث اللي تصير معاي تكون من كامري ابيض، واغلب اللي يسوق بطريقة غبية كامري ابيض، واغلب اللي يسوقون كامري ابيض معتوهين، لدرجة بلشت اقتنع انه حتى لو شخص طبيعي قاد كامري ابيض راح يصير معتوه، عندي عقدة من كامري ابيض، اكرهها واكره اي شخص يسوقها ماحبكم زين مااااااااااااااحبكم :(
............

Oh guys wanna taste something WOW??? Try to add shway Rum to your margarita, OMG you will fall in love with it :D

محاضرة غير شكل



هالمادة جزأ ثاني، يعني كل جزأ في كورس، والمفروض انه نفس الطلبة اللي بالجزأ الاول يكونون موجودين بنفس السكشن بالجزأ الثاني، طبعا ممكن انك تغير بس غالبا بنفس السكشن يعني المفروض اشكالهم مارة علي بس مشكلتي الازلية اني ما اطالع احد وما اصدق اني اطلع من المحاضرة بدون لا اكلم اي كائن حي داخل الجامعة، وبأسوأ الاحوال هاي باي وخلاص

كنت قاعد بالمحاضرة وكعادتي الكريمة اول واحد يدخل واول واحد يطلع، المهم الطلبة يستمرون بالدخول ثم دخل شخص وحسيت عيوني اطلعت من مكانها، هالطالب زبون دائم في تشي تشي، مكاني المفضل والمعتاد للشيشة، كان دايما يعجبني بشكله وشخصيته وتصرفاته وحتى ضحكته وكلامه وهدوئه الغريب مع اني ما اميل كثير للهدوء

وكنت مستانس انه معاي بالمحاضرة وتوني اكتشف طبعا انه معاي بالمحاضرة لاني واخيرا قررت ابدأ اشوف الناس واحس انه فعلا في كائنات اخرى بالجامعة مو بس انا هاها

نسيته شوي لما كان دكتور آخر، وهو منسق المادة، يكلمنا عن دكتورنا والمشكلة اللي صارت انه ماكان يعطينا الدروس صح وكان بس مجرد ياخذ راتبه ويطلع وكان يهمل تقاريرنا وان الجامعة استغنت عن خدماته وراح تكون في لجنة خاصة لاعادة رصد درجات السكشن وطبعا الكل كان مصدوم مع سماع هذه الاخبار، بس عادي اصلا انا خبصت في اختبار الجزأ الاول من هالمادة يعني ماراح تفرق معاي

مع مرور نصف المحاضرة، عطانا الدكتور بريك لمدة 10 دقايق، واحد نط وسألني عن شعري وقالي ليش غيرت اللوك وشكلي كله تغير ومش عارف ايش يعني الاخ مهتم مثلا بشعري؟؟ التفت ولقيت الشاب اللطيف من تشي تشي مندمج معانا بالموضوع، طبعا قررت اني ولو لمرة وحدة بحياتي ابلش اصير لطيف شوي واتكلم حتى مع شخص ماعرفه، تكلمنا بمواضيع مختلفة والحمدلله اللي معجب فيه شاركني بنفس الرأي انه الواحد مفروض يشتغل لوحده بالتقارير لانك لو كنت بقروب راح تكون صعبة وخصوصا في ناس مزعجة خلقة من الله وصعب التواصل معاهم

وهو يتكلم حاولت اطلع فيه عيب، اي عيب لكن ماقدرت، كل شي فيه حلو، يعني اول كان بتشي تشي بس اما الحين تشي تشي والجامعة وبنفس المحاضرة، اعتقد صار الموضوع اووووفر هاها بس عالاقل صار عندي سبب اني التزم بمحاضرات هالمادة :)

الاخ الغبي اللي يناديه الدكتور "الايطالي" عشان ستايله اللي نفس لاعبي منتخب ايطاليا، مادري من وين طلعلي، اوكي صح انه ايضا شكله حلو بس دخل غلط عالخط، دخل متأخر المحاضرة ومن بين المليون كرسي الفاضي ما اختار الا ان يجلس لجانبي مادري ليش؟ مع مرور ورقة الغياب المفروض انا اللي اقوم اخذها الحين من اللي امامي لانه اقربلي لكن الايطالي نط وقام اخذها بالنيابة عني، كتب اسمه وايميله وعطاني الورقة، طبعا احسن كانت خيرة عشان لما انا اخلص اقوم اعطيها للشاب اللطيف من تشي تشي، لكن بعد ماخلصت الايطالي قالي ممكن تعطيني الورقة ابي اتأكد اني كاتب ايميلي صح!!! اف ياربي من وين طلعلي هالعلة؟ وطبعا اهو عطاه اياها

الشاب من تشي تشي شفته قايم ويبي يعطيني الورقة على اساس اني مو كاتب، ولا الاخ الايطالي يتبرع ويرد عليه يقوله "احنا" كتبنا وخلصنا، ويأشر علي انا وياه، اولا منو سمحلك ترد؟ ثانيا ليش تتكلم بالنيابة عني؟ حسسني انه حبيبي ويغار علي؟ ويعة

كانت محاضرة غريبة بس اللي انا متأكد منه اني ماراح اطوف منها ولا محاضرة :)

كم عمر عقلك الحقيقي؟



افتح هالموقع

http://flashfabrica.com/f_learning/brain/brain.html

راح تطلع شاشة بالياباني

بالنص كلمة START

اضغط عليها راح يطلع عد تنازلي من 3 الى 1 وبعدين تطلع ارقام احفظها بسرعة وبعدين لما تطلع الدوائر اضغط عليها بحيث تختار مكان الرقم الاصغر فالاكبر

وبعد عدة محاولات راح يطلع عمر عقلك الحقيقي :P

مزيد من المعلومات عن زواج المثليين بالولايات المتحدة



أظهرت دراسة أميركية جديدة أن ولاية كاليفورنيا ‏تخطت ماساشوستس في عدد زواج المثليين جنسيا، إذ ‏بلغت عقود الزواج ‏فيها بين 17 يونيو و17 سبتمبر ‏الماضيين حوالي 11 ألف حالة زواج مقارنة بعشرة ‏آلاف في الولاية الثانية. وذكرت ‏صحيفة "لوس أنجلوس ‏تايمز" الأميركية أنه سمح للمثليين بالزواج في كاليفورنيا ‏منذ أعطت المحكمة العليا الضوء الأخضر ‏في يونيو ‏الماضي، بينما سمحت ماساشوستس به منذ العام 2004.‏ ورجّح معدّو الدراسة أن يكون ارتفاع عدد الزيجات في ‏‏كاليفورنيا ناجم عن كونها مقصداً سياحياً لسكان ولايات ‏أخرى يقصدون لوس أنجلوس وسان فرانسيسكو وسان ‏دييغو