Saturday, January 9, 2010

كوكتيل الأسبوع


انا غيرت جهاز البلاكبيري الخاص فيني، عشان جذي اللي عندي بالقائمة لاحظو اني اختفيت، وبما ان الجهاز جديد فا البن نمبر مالي تغير، اتمى من الراغبين بالاضافة انهم يدزولي ايميل بالبن الخاص فيهم عشان اضيفهم، بتقولون ليش ما اكتب الرقم بالمدونة نفس قبل؟ لان ياحلوين صارو ناس مالهم داعي يضيفوني واهم مو قاريين ولا كلمة من المدونة، ويضيف ويبلش اسئلة من اللي اكرهها عمرك طولك وزنك مش عارف ايش!!! لو كانو قراء للمدونة كان دروا اني اهني انا كاتب، انا بلوجر، مو داش اواعد!!! يعني ماكو اسئلة خاصة!!! اتمنى من اصدقائي الحبوبين اللي كانو عندي يدزون ايميل بالبن مالهم عشان اضيفهم.. عاد اللي ماله خلق يدز ايميل معناها شخص بارد وانا ماحب الباردين
............

واخيرا اشتركت بخدمة انترنت جديدة، يعني خلاص بصير اكتب كل اسبوع، اللي كان مانعني اهو الكونشكن ومصايب الاشتراكات اللي كانت عندي، الحين خلاص انحلت وماعندي عذر، كل يوم أحد بكون في 4 بوستات جديدة
............

على طاري الاربع بوستات، ترى والله بذبحكم؟ يا عالم افهمووو انا اكتب 4 بوستات كل يوم احد، مش بوست واحد، يعني لاتقرو اول واحد واطنشوا الباقي، كل يوم احد تلقو الصفحه فيها 4 بوستات، انا مو كاتبهم للاشباح، احترمو نفسكم واقرو الاربعه، واللي يدور بوستات اقدم يلقاها بالارشيف تحت عاليمين
............

روحتي الاخيرة لدبي كانت ااااااااااه اااااااااه اااااااااه عوار قلب، من كثر الاشياء الحلوة اللي صارت ماراح اقولكم لانه يبيلي وقت طويل، بس اللي اعرفه ومتأكد منه اني خلاص ابي اعيش بدبي، والله صج صج ابي اعيش بدبي، شلون يعني؟ لازم اعيش هناك، يلا ياحلوين احد فيكم بليز يقوم الحين ويشتريلي شقة بدبي عشان اعيش هناك، لاتطولون ناطركم يلا
............

اوكي اخر واحد معجب فيه وكمان يخز توه بصوت عالي عطا رقمه لصاحبه وانا حفظته لووووول، اتهقون ادق عليه؟ لووووووول لالا اتغشمر ماسويها، وااااي فديت قرعته بس :D
............

عندي كلام كثير بقوله بس ربعي قاعدين على قلبي عما بعينهم، خلاص نخلي باقي القرقة للاسبوع القادم

NakedBoy الكويتي انفع و


NakedBoy صديقي المدون العزيز
ذبحني من كثر مايقولي "المحلي انفع" وانا من زمان عندي عقدة مع المنتج المحلي، يعني لما اسوي علاقة حميميه خاصة (اشرايكم بالجملة؟ كل هذا عشان لا اقول سكس هاهاها) المهم دايما حظي يكون مع الاماراتيين، طيب شسوي يا اخي انا غرامي الاماراتيين، احبهم، المهم من كثر مايقول الكويتي انفع قررت اعطيه مهمة خاصة، ادري الحين ابتلش فيني بس كيفي انا وهقتك وانت ملزم بحكم قانون المدونة انك تقوم بهذه المهمة :D
HeHeHe ضحكتي الشريرة

شنو المهمة؟ ممممممم

ياصديقي العزيز الحبوب انت ملزم انك تشوف شاب محلي، وتخليه يطلع معاي
Date
الموعد يكون يوم واحد بس، انت تختار الشاب، ولازم تكون حريص انه عقليته من اللي احبها، ويكون يحب الشيشة، ويكون ممممم طويل، رياضي، وشنو بعد ممممم (ابي اصعبها لووول) ويكون مثقف لدرجة كبيرة، الموعد يكون عادي بدون تحديد شنو يصير وراها، المهم لما تختار الشاب انت بعد مكلف انك تختار المكان، مطعم او مقهى، يعني تختار الموعد كامل مع شاب محلي حقي

عندك مدة زمنية من اليوم لغاية نهاية شهر فبراير

انا عند كلمتي المحلي ماينفع، ودام انت مع المحلي خلاص يلا ورينا شطارتك :D

اوووه ابيه يشابه لونلي، ادري انك ماتعرف لونلي بس كيفي لازم يشابهه هاهاها :D

يلا ورينا شطارتك ياخوووويااااا :P

End of an era وداعا المقهى الملكي


هاي يا حلوين :) شلونكم؟ ادري صارلي فترة طوييييييله مو كاتب.. اوكي نسيت كتبتلكم هابي نيويير خلاص كافي صح؟ :D

كنت بقولكم كل شي صارلي بالفترة اللي طافت بس تصدقون مالي خلق؟؟

ممممممم انا زعلان :(
eh2 eh2 :'(

تدرون ليش؟ قررت اليوم يكون اخر يوم لي بالملكي؟ ااااااه من بعد 6 سنوات من اقامه شبه دائمة بالقهوة قررت ان اليوم يكون اخر يوم، فعلا انها نهايه حقبه زمنية بالنسبة لي

اف عاد انا داش القهوة الفجر على اساس اكتب على راحتي وعلى حظي لقيت ربعي البايخين والحين قاعدين معاي، قلتلهم اني قاعد اكتب تقارير عشان لايزعجوني والمشكلة للحين يسولفون معاي!!! انا قررت اني اكتب هالبوست بالملكي عشان تكون اخر قعدة لي بالملكي بكتابة البوست

تدرون انه كل بوستاتي كتبتها بالملكي وانا اشيش؟ الشهر القادم بكون عيد ميلاد مدونتي الثالث وخلال هالثلاث سنوات كنت ما اكتب الا بهالمكان، الا طبعا البوستات اللي كتبتها خارج الكويت، اما كل بوستاتي داخل الكويت كانت بالملكي

اذكر اول مرة رحت فيها هالقهوة مع اخوي وكان اهو يوصلني :) عاد بقولكم ليش انا قررت اترك هالمكان الحين: لانه باختصار صار بيتي الثاني، الشي اللي مو حلو بهالموضوع انه اهملت كثير اشياء بالفترة السابقة ومنها نفسي بسبب قعدتي بهالقهوة، يعني اوكي الواحد يشيش ويطلع ويقز ويغير جو بس هالمكان صار مقر شبه دائم وكنت اكنسل كثير اشياء بسبب قعدتي فيها، قراري بترك هالمكان بشكل نهائي يصب في مصلحتي وعشان ابلش اعطي انتباهي واهتمامي لاشياء كنت قد اهملتها بالسابق

وبما ان الهدف منها اني ما اركز كل وقتي على شي معين، فا ماراح ادور مكان ثاني يكون بديل، اولا لاني مستحيل القى بديل، ثانيا ابي اصير لما اطلع تكون كلها اماكن طلعه عادية، مو مكان كأنه منزل اقعد فيه فترات طويلة، من اليوم لما اطلع اشيش بتكون اماكن متنوعه ومع اصدقائي عشان يكون وقتي متوزع بطريقة صحيحة ومنها الشيشة ايضا

باي لونلي، اتمنى اشوفك بتشي تشي مع اني اشك انك تحرك مؤخرتك من الملكي لاني مليت من كثرت شوفتك هنا، باي القزم اللي ذبحتني خز، بس اسمراني اللي ااااااه كل ماشوفك قلبي يفز، باي رمانه الشايب اللي يضبطني بالفحم، باي سليم احسن واحد يضبط الراس، باي سمير اللي دايما يهتم بشيشتي، باي سيد اللي دايما يخليلي مكان محجوز
T والاهم باي مستر
لاني قررت انهي علاقتي فيك مع انهاء علاقتي بالملكي، لاسباب خاصة

خلاص مليت مالي خلق اكمل، باي قهوة وبس، اشدعوة عاد بترك نيويورك يا حظي، كلها قهوة طايح حظها، باي اف

نتيجة الاستفتاء الماضي


سؤال اخر استفتاء اللي كان من القرن الماضي كان: هل انت من مستخدمي تويتر او فيس بوك؟

الغالبية وهم 67% من مستخدمي الفيس بوك

اما 19% من مستخدمي كلا الموقعين

و 2% من مستخدمي تويتر فقط

اما البقية لايستخدمون اي من الموقعين

انا وضعت هذا السؤال بسبب ادماني على كلا الموقعين، بالنسبة للفيس بوك فهو موقع اعتبره رسمي لي، اتواصل فيه مع اصدقائي في كل مكان، وحلو انهم على اطلاع باخر اخباري، حتى لما اغير رقم تلفوني مثلا دايما اصدقائي يلقون رقمي الجديد بالفيس بوك، ماحب اللي يستخدم فيس بوك للعبط او لاغراض اخرى، بالنسبة لي الفيس بوك فيه اسمي الكامل وشخصيتي الحقيقية وما اضيف عليه الا الاصدقاء الحقيقيين فقط ولا اقبل باضافة الاشباح لانه موقع رسمي للتواصل مو الهبل

اما تويتر فيه كل تفاصيل يومي، كل شي في بالي اكتبه هناك اول بأول