فعلا كان شخص مميز، عالاقل في البداية... كنا قاعدين في تشي تشي كافيه، من الساعة 7 الى الساعة 9.. ليلة راس السنة.. كنت اضحك مع شريف، اللي يشتغل بالكافيه، يسألني اذا راح اكمل السهرة هناك.. قلتله السنة اللي طافت كنت عندكم ليلة راس السنة، لكن هالسنة غير
قبلها بيومين دعاني احد اصدقائي الاماراتيين لحضور حفلة إليسا ليلة راس السنة في دبي، كنت متردد، وبعدين قررت اني ما اروح، مع اني احب إليسا جدا، اعشقها لدرجة كبيرة، قلت خليني مرة اتنازل وارفض عرض مميز لصالح شخص دخل حياتي فجأة
صارت الساعة 9 واحنا في تشي تشي كافيه، طبلت منه اني اروح البيت اغير ملابسي لان الجو صار بارد اكثر، وهذا ماحدث، من كثر الزحمة ما لقينا ولا مكان نسهر فيه، الناس حاجزين من قبل بيوم
بالاخير اقترحت نروح فندق الموفمبيك بالمنطقة الحرة، مكان هادي وطبعا فيه شيشه، وانا اروح هناك مرة بالاسبوع اشيش
رحنا وكان الجو حلو والاغاني حلوة، وصارت الساعة 12 ودخلنا السنة الجديدة مع قبلة حلوة وسهرنا وطلعنا، وراها رحنا سينما شفنا فلم مرجان احد مرجان
صراحة في مشهد ضحكت عليه بدرجة مو طبيعية، حاول انه يرشي الكل، وبعدين صار الموضوع في يد الله، صار يصلي، حاول يرشي الله هههههههههههه
المهم لعشاق الاثارة احب اقولكم ماصار بينا اي شي اكثر من قبلة، يعني ارتاحو مافي اثارة
ثاني يوم اكتشفت خصلة اكرهها فيه، الحنة، الحنة بفتح الحاء وتشديد على النون، لغير الناطقين باللهجة الكويتية والخليجية الحنة هو الشخص اللي يصمم على شيء ويتكلم فيه ولازم يكون الان وحسب طريقته، ويظل يتكلم ويرغي باسلوب مزعج لازم ينفذ اللي يبيه ويحصل عليه
صراحة ماعرف اشرح اكثر، احم احم ارجو المساعدة :)
المهم صار يشكل ازعاج مو طبيعي، ولا يقدر الظروف، وانا برجي الحمل يعني الحنة تقتلني.... للاسف انه ماينفع ابدأ معاه علاقة، لكن مو هذا اللي مزعلني، اللي مزعلني حفلة إليسا اللي راحت علي
As they say, easy come easy go !!
