Sunday, June 28, 2009

كوكتيل الأسبوع



هاااااااااااااااااااااااااااااااااي
احم احم اوكي انا اختفيت فترة طويلة، بس ماراح اقولكم ليش اختفيت، لاني لو قلت راح انطق فا خليني ساكت احسن :D
............

فديييييييييييييييييت اللي يسألون عني وخايفين علي والله، انا اسف لان حتى الايميلات ماكنت اقراها ولاكنت ادخل على ايميلي بالمرة، يعني ابدا ماكنت مطنش بالعكس، بس انا ماكنت ادخل الماسنجر ابدا ولاكنت ادخل على ايميلاتي ولا على اي شي، بس صج صج فديييييييييييييت
AD
اللي فعلا اثبت انه صديق بكل معنى الكلمة، كبر بعيني اكثر من اول وايد، الله لايحرمني منك
............

يوم الخميس راح اكون في دبي :D
راح اقعد بس يومين، من الخميس الى السبت، والجمعة راح اكون بالعين، دختو صح؟
مممم اوكي
هالخميس، بعد 3 ايام راح اروح دبي، راح احاول اني انبسط كثر ما اقدر الخميس كله، لان يوم الجمعة لازم اكون بالعين من الساعة 8 مساء، لمناسبة عائلية وزيارة اقارب، والسبت كله راح اقضيه بدبي وبالليل ارجع للكويت، احب السفرة لما تكون سريعة وخفيفة :P
فدييييييييييت الامارات كلها
............

احس بتأنيب الضمير لاني تأخرت كثير بس حتى لو متأخر سنة ماراح اطوف هالاحساس الحلو وانا اقول بكل فخر مبروووووووووك رولا دشتي مبرووووووك اسيل العوضي مبروووووووك سلوى الجسار مبروووووووووك معصومة المبارك، اربع دكاترة، اربع سيدات بقمة الثقافة، اربع عقليات من احلا وارقى العقليات زينوا بعقولهم البرلمان الكويتي، ويا سلااااام يا رولا دشتي انتي والدويسان وفوزكم بلجنة الظواهر السلبية اللي كانت مهمتها بالسابق محاولة لنسخ هيئة المنكر السعودية والتي تقمع البشر، وكانوا يحاولون فرضها بالكويت، ولكن الان اصبحت اللجنة بالفعل لجنة جيدة بمحاولتها ايجاد حلول لنقص شعور المواطنة ونبذ الفرقة والتمييز بين ابناء البلد الواحد كظواهر سلبية دخيلة، وليس اختزالها بما يلبس الناس كما كانت في السابق
............

NEMO
متى راح توصل الكويت؟ عالعموم راح تنور الكويت
مادري اذا كان رقمي اللي استخدمه حاليا عندك او لا، لاني غيرت ارقامي اكثر من مرة:D
عالعموم راح احطلك رقمي الجديد عالماسنجر
............


الملكي متغيرة! وجوه جديدة ونسبة تغيير وصلت ل50 بالمية، مممممممم صراحة انا مستانس :D
في مجموعة كبيرة من زوار الملكي كيووووووتهم احس سوو جو جديد عالمكان بعد سيطرة طويلة للديناصورات، بس طبعا في كمان كم واحد "يهال" وهذول مكانهم مو بالملكي ابدا، ولايهمكم بنحش اليهال بأقرب وقت، بحط خشب بالروس مالوتهم
بس بالنسبة للناس الجديدة اللي صاروا زباين بالملكي انا فخور فيهم، صحيح واحد من اصدقائي دايما يتحلطم ومو عاجبه ان الملكي صار فيها وجوه جديدة ودايما معصب ويقول مايصير ومش عارف ايش، بس انا مستانس واقول جان زين لو يزيدون بعد لاني مليت من الديناصورات والتراث الموجود هناك، احس صار في تغيير ايجابي وجو جديد، وهذا اللي يخليني احط استفتاء هالاسبوع، شوفوه :D
............

اكتشفت قهاوي كثيرة جديدة وحلوة، ومنها
7bars
اللي جوها فعلا حلو، بس هذه اروحها يوم واحد بالاسبوع مع احد الاصدقاء اللي صار لقائنا الاسبوعي هناك (كل شي عندي صار اسبوعي هاها) المهم القهوة حلوة بس انا بالنسبة لي لاشيء يعلى على
Tche Tche
والملكي
............

اللللللللله ونااااااااااسة ياناس عطوني على قولة المصريين (أوووولة) اكسرها ورا اللي ببالي
واحد من عمال القهوة انتقل لقهوة جديدة وصار شريك مع واحد، عند الموقع القديم للملكي، طبعا دعاني مع مجموعة اصدقائي للقهوة الجديدة مع اعطائنا مكان مخصص لنا، بصراحة انا ماحب اترك الملكي، فا سويت اتصالاتي ببعض اصدقائي، لقيت ان اصدقائي القدامي واللي يهموني متمسكين بقهاويهم اللي يقعدون فيها، وطبعا انا سويت اتصالاتي لانهم اصدقاء اخوي ايضا ولازم اكون سويت اللي علي عشان لايقولون لاخوي انه ريكي مو معبرنا كلش، اصلا ما اطيقهم بس يعني لازم
وفي طبعا اللي معاي بالملكي ومايحبون غير الملكي
اوكي شنو صار، واحد اااااااااه وع وع ماصدقت واهو يروح ويغير القهوة وكل يوم يدق ريكي يلا ليش ماتغير الملكي؟ قتله انا بصراحة ما غيرها لو شنو، انا زبون قديم فيها واحب هالمكان، هذاك الشخص عيبه شنو؟ انا اقولكم
اولا ثقافة مافي، علم مافي، ومع هذا لازم رايه هو الصح دائما والباقي دايما غلط
يتعرف على كل من هب ودب على اساس انه اجتماعي يعني
مع انعدام وليس نقص، بل انعدام الثقافة بشكل كامل، ايضا اجده طول الوقت يتكلم عن الناس وهذه صفة اكرهها، خلاص خليك بحالك وبس
انسان متعصب مذهبيا لدرجة خطيرة جدا، وطبعا هذه اقوى صفة اكرهها
وايضا طبعه يغار جدا من كل شي، اوكي يا بابا انا مو ذنبي اني محبوب من الناس، مو ذنبي ان حتى الكبار بالعمر يخترموني لعقلي، مو ذنبي انه حتى صاحب القهوة يهتم اني اكون مرتاح بالقهوة مع احسن خدمة مقمة لي، ليس لشيء غير اني زبون قديم عندهم، وهذه المعاملة تكون لمجموعة من الناس داخل القهوة يعتبرون من الزباين القديمين واللي لهم مكانتهم هناك، طيب انت معفن ومكروه واسلوبك بايخ وشايف نفسك فوق مستوى الجميع، طيب شلون الناس راح تحبك؟ اكيد راح تكون مكروه
المهم راح القهوة الجديدة وانا حسيت اني طاير من الفرحة، واخير اقدر اشيش بجو نظيف خالي من الوباء البشري
............

ملاحظين اني اليوم تكلمت كثير عن القهوة؟ لاني للحين ماشيشت وبموت ابي شيشة، يلا اخلص هالبوست واروح:P
............


اووووه ماكلمتكم عن اخر تطورات النادي الصحي :D
ممممم خلاص من الاسبوع القادم ببلش اكتب عن النادي، كل مرة اتذكر اللي قالي يلبس سليب ويمشي داخل غرفة التبديل واللي يطالع يعني مثلي، ههههههههه يوميا كل ما ادخل غرفة التبديل اتذكر جملتك واصير اضحك :P
............

يلا بحطلكم وسيلة جديدة للتواصل معاي، الحين طول الوقت بكون على تواصل معاكم
BBpin: 2626D3AE

3 comments:

Anonymous said...

شوف ريكي خلك ساكت هني بالبلوج ماعليه بس لازم تشرحلي شاللي منعك عنا بالمسنجر (؛ والا ها ..

وعن السفره تروح وترجع بالسلامه انشالله
واقول ماوصيك زور اتلانتس عني لاني خاطري ازوره حده حلو

ضحكتني لما تكلمت عن (اللي يسوي نفسه اجتماعي ) كنت اعرف واحد مثله

النادي الصحي .. يبيله قعده معاك عنه ابي استفسارات عن النوادي الصحيه..

طريقة التواصل اليديده !! انا بطيئ بسوالف التكنولوجيا مافهمت شلون
نتواصل بسهوله؟؟

AD

"Gay Boy" Weekly said...

AD

اوكي انشالله بشرحلك ولاتزعل :P

الله يسلمك حبيبي، اوكي بحاول ازورها بس مو اكيد :P

ياريت بس يسوي نفسه اجتماعي، هذا علة بكل معنى الكلمة، بالاصح آفة

حاضر لاستفساراتك بس لاتنسى ترى انا مو خبرة اندية وانت ادرى :D

انا حطيت ال
PIN code
مال البلاك بيري مالي عشان اللي يحب يتواصل يضيفني على البلاك بيري ماله ونكون على تواصل طول الوقت

Junjou Romantica said...

:( شنو هذا ما يصير جذي تغط تغط و نوله عليك و نخترع و نحاتي لازم تشرح, و الا الزعل قائم و بشدة, و الله:(,
تروح و ترد بالسلامة ان شاء الله و سفرة سعيييدة:),
و بالنسبة للمجلس صج صج مبروك انتصار رائع:),
جان زين اقدر اروح القهوة :( ابييه كله تحرني بهالسالفة:(,
ما يصير جذي ليش بلاك بيري:(,
بشتري واحد زين.