Sunday, June 28, 2009

! في بالي من شهرين



بعد فترة من الهدوء من المغامرات ومن كل شي، فترة طويلة من الاسترخاء، بالفعل فترة طويلة لم يحدث خلالها شيء غريب، اخر مغامرة كانت يمكن اللي بالمطار وكتبت عنها، الا قبل ايام عدة حيث شعرت ان المغامرات يمكن ان تتوقف لفترة ولكن لاتنتهي ابدا

كنت طالع من الملكي بداية الفجر وراجع البيت علشان البس ملابس الرياضة واروح النادي، عارف وقت غريب بس كيفي، المهم وانا طالع من الملكي وبالسيارة وقفت عالاشارة، وبسرعة صارت خضرا ومشيت، طبعا وانا ماشي في كثير سيارات بالشارع بس حسيت في واحد اول ماشافني كأنه شايف واحد كان يطالبه فلوس او ثأر او مش عارف ايش، المهم حسيت بنظراته كأنه لقى اخوه الضايع من زمان

انا بطبعي لما اسوق سيارة اسرع، ماعرف امشي شوي شوي، المهم انا ماشي ووصلت لمنطقتنا وقلت يلا خليني اخذلي اكل قبل ما اروح البيت، في بمنطقتنا اشارة واقف عالاشارة انا ولا واحد وقف الى جانبي وطلب انه يكلمني، كنت اكلم صديقي بالتلفون واستأذنت وسكرت الخط ونزلت زجاج السيارة

انا: نعم؟
هو: ممكن اكلمك؟
انا: آمر؟
هو: انت ليش تسوق بسرعة؟
انا: كيفي
هو: طول الوقت لاحقك ابي اكلمك وانا ماعرف اسوق بسرعة
انا: الاشارة صارت خضرا
هو: مافي حد بالشارع
انا: قاعد اقولك صارت خضرا، كيفك انا بمشي
هو: ليش معصب؟
انا: يعني والله انت مو صج، واحد من الشارع موقفني وتقولي ليش مسرع والحين ليش معصب، انت اشتبي آمر قول خلصني
هو: انت تشيش بالملكي صح؟
انا: (تنحت شوي) اي صح بس اشدراك؟ ولامرة شفتك بالملكي
هو: انا ما اشيش، وعلى فكرة انا مو شايفك الا مرة وحدة بس وكانت من شهرين، كنت انت نازل الملكي وانا نازل النادي اللي يصير جنب الملكي، انا مشترك هناك، شفتك يومها بس وضليتك ببالي ومن يومها وانا حافظ شكل سيارتك وكنت اتمنى اصادفك وراها بس ماصارت وماشفتك الا الحين وبصراحة انا اسف بس هذه فرصة ماراح اضيعها
انا: (للحين متنح) من شهرين؟ وليش يعني بكون ببالك ومو ناسيني من شهرين واحنا اصلا مانعرف بعض
هو: يا اخي مادري بس شكلك يشوق وودي اتعرف عليك

بس الباقي ماراح اقولكم، يمكن اكمل بعد شهرين او ثلاثة او سنة بس مو الحين :P

اول مرة بحياتي اوقف البوست من نصه هاهاها، هذه سابقة بمدونتي اني اكتب نص بوست واقطع الكلام واقولكم باي بس كافي :P

فديتكم :***

3 comments:

Anonymous said...

لا لا لا صج هالحادثه تشوق.. ارحمنا عاد مو الكل عنده صبر مو مشكله جم اسبوع بس مو سنه !!

Anonymous said...

AD .. :)

"Gay Boy" Weekly said...

AD

ههههههههه اسكت من ناحية تشوق ترى تشوق ونص، مادري ليش هالمرة انا حطيت بريك وماكملت، ههههههه مادري يمكن بعد ايام يمكن شهور يمكن سنين مايندرى متى اكملها :P