Saturday, December 20, 2008

If the shoes aint right, it aint working!



Ok it's not because I love buying shoes so much, but seriously, don't you think that shoes are the most important thing in your appearance?

Have you ever judged a person by his shoes?

Call me shallow! Whatever!! But I think shoes do matter :)

قرأت مرة في الاتيكيت البريطاني القديم انه ان لم يعجبك وجه احدهم فانظر الى حذائه

وبالعرف الحالي للذوق انه من السهل ايجاد اللبس المناسب لكن من الصعب اختيار الحذاء المناسب، واذا اردت معرفة ذوق الشخص فانظر للحذاء

انا عن نفسي وبغض النظر عن هالامور، اقتناء الاحذية من اكثر الاشياء التي تشعرني بالسعادة، صحيح اني مغرم بالشيشة ومدمن على الايسكريم واحب التسوق بأنواعه لكن شراء الاحذية لها طعم آخر، متعة لاتوصف، حتى لو كانت سبب في افلاسي عادي مايهمني :) المهم اني ما اخلي شي عاجبني بخاطري وما اخذه

يعني حاليا وانا اكتب هالبوست مفلس رسميا ومحترم نفسي وقاعد في البيت والسبب اخر نقودي صرفتها امس على شراء احذية والان مفلس بس عادي المهم شريت احذية رائعة :D

مرات لما نطلع ونشوف الشخص، اوكي صحيح التصرف والاخلاق وكل هالامور هي الاساس، لكن خليك واقعي، مافي عالاقل مرة وحدة بحياتك بينك وبين نفسك حكمت على شخص من طريقة ملابسه او حذائه او اي نوع من الاكسسوارات يستخدمها؟

انا عن نفسي دائما عيني تروح للحذاء، اعتبر ان ذوق الشخص يبين من اختياره للحذاء، طبعا اكيد مع الامور الاخرى مثل التصرفات وطريقة الكلام والتعامل مع الناس (لازم اشرح مليون مرة عشان اوصل الفكرة اف تعبت، كل هذا عشان الناس تركز اني اتكلم عن شيء معين مو يقولون سخيف وفاضي)

في احدى المرات واحنا قاعدين في تشي تشي، انا وزوجة اخي نسأل بعض "هل هذا الشخص مثلي او لا" وانا من اول ماشفته قلت اكيد مثلي القي دار اشتغل عندي وحسيت، علطول قالت انها متأكدة انه مغاير مش مثلي، سألتها ليش؟ قالت انظر للحذاء وكان متسخ ويبيله غسيل بمحطة غسيل السيارات وفوق هذا غير متناسق مع الملابس.. ضحكت وقلت لها احنا بالكويت، لو كنا بمجتمع غربي اوكي هناك المثلي معروف انه حساس جدا لامور الفن والثقافة والموضة والاناقة، لكن نصف المثليين العرب علاقتهم بهذه الامور كعلاقتي انا بكرة القدم يعني مو شرط

كل واحد فينا له هواية محددة او لنقل شيء معين بالتسوق يحبه جدا، بعضهم يحب شراء الاقلام لدرجة يكون عنده اقلام لاتعد ولاتحصى مثل اخي، والبعض يهوى النظارات، وآخرون الساعات، اما انا فالاحذية هي متعتي بالتسوق :)

15 comments:

Alex ! said...

الفكرة وصلت وربي العظيم

فعلا صارت لي كثير

اشوف واحد داخل الكلاس اقول ياحليله

لين عيوني تنزل تحت واتحطم

وش ذا ؟

في ناس ماتعرف تشتري يعني ماعندها ذوق

اي صحيح موضة بس مو لذي الدرجة

لا والالوان سالفة ثانية

انا مايجيني هم وغم واحس اني راح ابكي غير لما اطلع شوبينق حق ملابسي والاحذية

ماعرف اختار

اتعب

ساعات ياخذ مني الموضوع ثلاثة اربع ايام حتى ارتاح على شي


واحلى شوبينق عندي في مكتبة جرير

اشوف اخر الكتب

واخر اجهزة الكمبيوتر

وطبعا الكميرات

وطبعا طبعا اشوف الشباب اللي هناك

يعني ناس مثقفة ومستوى راقي

وفي مكان صغير حق القهوة والقراءة

انصحك تجرب تززو اقرب فرع لجرير


تحياتي وسلامتك الف سلامة

"Gay Boy" Weekly said...

Alex !

المشكلة تلقى ناس تلبس والالعن تلقاهم يشترون ماركات وشي غالي يعني مو رخيص بس المشكلة ذوق مافي.. المسألة مو بقيمة الشي الاهم الذوق والتناسق

انا احس بقوم اطق البني آدم اللي حذائه تلقاه شاذ بطريقة غربية عن باقي اللبس، حلو انه الواحد يعرف يختار صح

انا نفس الشي بالشوبينق ذوقي صعب يعني اطول لما القى شي يعجبني، وهالشي اعاني منه لما اروح شوبينق حق الملابس، اما الاحذية ما اتعب لاني اشتريهم من مكان معين وماركات معينة القى عندهم دايما كل اللي يعجبني

انا دخلت مكتبة جرير اللي بالكويت حلو طبعا مثل باقي مكتبات جرير، بس طبعا مو نفس جرير الخبر او الدمام يعني مو بكبرهم بس هم في كل شي.. بس ماعتقد فيه كافيه

انا احب آخذ كتبي واقرا في كافيه، اشرب قهوتي واقرأ بهدوء

Elvis said...

أكيد شكل ولون الحذاء بيكون مهم في اللبس وله تأثير في المظهر لكن بالنسبه لي مو من الأولويات.. واعتقد اني اشاركك هواية شراء الأحذيه لكن مو بنفس المستوى، أنت وصلت لمرحله متقدمه صرت تصرف آخر فلوسك عشان تشتري احذيه! :d

لكن ومع هذا لو تشوف مكان صف الأحذيه عند الباب راح تتوقع في البيت ضيوف.. أكثر من مره الأهل يسئلوني "عندكـ ضيوف!" مستغربين مايدرون ان كلها لي لوووول :d

عموماً أكثر الأشياء اللي احب اشتريها... البناطيل والأحزمه والنظارات والعطوووور :d والأحذيه تجي بعدهم .

وتسلم الأنامـل (f)

Shams Al-Ma7aba said...

امممم انا هالأيام صاير ألبس شووز لانه برد أنا بصراحه مااحب الشووز لأنه شغله وانا عملي هههههههههه

انا احب الشوبينج بس مو متهور اذا عندي فلوس شريت ماعندي مااشتري وحسب الضرورة جدا اقصادي واحسب اموري صح وعندي نظرة لبكرة شباسوي هههههههه

انا اكثر شي احب بالتشري النظارات وطبعا مااحصل دايما شي يعجبني ومريح ولايق على ويهي واحب العطوووور ويمكن هذي متعتي الوحيدة والي ممكن اتشرى فيها الا ما لا نهاية واحب البناطيل واااايد يهمني الجينز او البنطلون وشلون مطلعني



انا احس ساعات ماعندي ذوق او عادي رغم انه حبيب قلبي يقولي حلو واعرف اختار وجذي بس مااادري


انا عن نفسي مااحكم ع الشخص حسب ملابسه يهمني انه يكون لابس مرتب ومايهمني حتى عطره او كشخته اهم شي عندي اخلاقه وتعامله وطيبته واحلى شي لو كان مثل الاطفال ريحته صابون وشامبو


بالنسبة لي الشووز النظارة الماركه وغيره مو معيار لتقييمي للاشخاص ولكن يكون معيار تقيم لوضعه الاقتصادي او الاجتماعي او الذوق وبــس

"Gay Boy" Weekly said...

Elvis

اي عندك مليون جوتي وتقول مو نفسي، اسكت بس :P

انا بعد عندي اشياء وايد احبها بالشوبينق بس الاحذية غييييير

اما العطور اكيد هالشي طبيعي انا مثلي يعني احنا اللي مخلصين العطور والكريمات من البلد :D

"Gay Boy" Weekly said...

Shams Al-Ma7aba

هلا فيك اخ عملي :P

زين انت احسن مني، انت تخطط اقتصاديا، انا مشكلتي ما اخطط واتوهق، مع اني ادرس اقتصاد، سخرية القدر، يعني مثلا تلقاني اصرف فلوسي على الشوبينق وراها اتوهق مايكون عندي ولا فلس واضطر اقعد في البيت لاني مفلس وماعندي حتى حق راس شيشة لوووول.. مشكلتي ما اخطط اموري المالية مالت علي

انا نفس الشي ما احكم عالشخص من الماركة، وماكان هذا القصد من البوست، وانا ايضا ما اشوف ان الماركة لها علاقة بالمستوى المادي للشخص، ممكن واحد وعنده ومايشتري ماركات وممكن واحد وضعه المادي بسيط بس تلقاه يشتري بأي فرصة، يعني هالشي مو مؤشر، بس بالنسبة لي التناسق في اللبس يدل على ذوق صاحبه، هل اهو يهتم بنفسه او لا

حلوة ريحة الصابون والشامبو :) حتى في كريمات بعد تعطيك هالريحة اللي جنها ريحة توك طالع من الشاور :)

عاد المثليين اهم اهل هالشغلات، العطور والكريمات :D

أنـا said...

انا عن نفسي ما اهتم بشي مثل ما اهتم بالعطووور

مو مهم عندي اللبس ابدا او الاحذية

عطر

وبس

وما اظن ان فيه شي احلى من العطوور

وتحياتي لك

أنـا said...
This comment has been removed by the author.
karim said...

مرحبا ياجميل

في مشكلة....امممممممم لا زم أتعلم انجليزي انتم في الشرق تتكلموا انجليزي كتير ...أنا أعرف فرنسي -اسباني ...المهم
أعجبني البوست تعرف أنا أيضا من هواة شراء الأحذية ومغرم بها كثيرا في عندي كتير منها بعضها لا ألبسها كتير بعد ذالك تصير من حظ أخي...طبعا أنا متأثر بعملي عندي محل لبيع الأحذية لكن النسائية يعني حريمي مثل ما تقولون أنتم
في مسألة الذوق في اللباس أتفق معك صديقي مهم أن يكون هناك تناسق في الهندام ليس من الضروري أن تكون الملابس غالية الثمن أو ماركات عالمية لكن يجب على الانسان أن يعرف كيف يلبس
في ملحوظة صغييييرة : زوجة أخيك تعرف أنك مثلي .... يانهار مش زي بعضه زي ما بيقول المصريين هههههههه
تحياتي صديقي واعذر شقاوتي

"Gay Boy" Weekly said...

أنا

طيب شي حلو انك تحب العطور، عاد تختار بسهولة نوع العطر اللي يناسبك ولا ذوقك صعب باختيار العطور؟ وهل تحب التغيير او دائما تستخدم نوع واحد؟

"Gay Boy" Weekly said...

karim

وانتو كمان في الغرب مشكلة تتكلمو فرنسي واحنا نضيع :)

اكيد التناسق هو المهم، مش السعر او الماركة

ياريتني كنت اخوك عشان تكون الاحذية من نصيبي انا :P

لو كنت متابع قديم لمدونتي كان عرفت القصة وكيف زوجة اخي عرفت اني مثلي لاني كنت كاتب كل شيء عن هالموضوع في المدونة :)

لاتعتذر عن شقاوتك، الشقاوة حلوة :)

D-Nasty said...

تصدق عاد مرة قريت هالمعلومة همن بمجلة إنه أول شي لازم تجيك عليه بالشخص أهوا الحذاء بس ما صدقت و قلت شكو

لمن بعدين شفت لك ذاك الصبي اللي دشداشة و سكبة و بخور يفوح

و لمن جيكت على جوتييه لقيته تقليد ماركة

أنا أقول أحسن شي الجواتي السودة, حدها تنقذك من سالفة لألوان و هذا مرقع و هذا مادري شنو

أنا عن نفسي كله ألبس فلات

"Gay Boy" Weekly said...

D-Nasty

ترى هالمعلومة صج والجوتي اهو اللي يبين فعلا ذوق الشخص مو اللبس

تقليد ماركة؟! انا عندي قناعة، لو مو قادر اشتري ماركة عادي بروح محل ادورلي جوتي يناسب ميزانيتي واشتريه، بس ما اخذ تقليد لانه يبين وبنفس الوقت شكله بكون شاذ

اللون الاسود معروف ملك الالوان بس هم اكو وايد الوان حلوة بس وين اللي يعرف يختار

D-Nasty said...

أي صح كلامك, حتى أنا ترا سوالف الماركات ما أحبها, و عادي شي يكون سعره مو غالي بس يكون حلو

بس اللي صدمني إنه ما كان له داعي يلبس تقليد

المشكلة إنه الحروف و السلوجان مال الماركة كانو أحرف ثانية من كثر ما أهوا تقليد بعد

لوووول

"Gay Boy" Weekly said...

D-Nasty

صح التقليد شكله يبين انه تقليد ويكون مو حلو وبالنسبة لي عبارة عن
fashion crime!

انا مثلا احذيتي المفضلة اهي اللي من
Dolce & Gabbana
وعندهم القى الاشياء اللي تعجبني وتناسبني، بس لو مثلا يومها ماعندي سعره خنقول اوكي بروح اخذلي شي من مكان ثاني بس ما اروح اخذ تقليده لان التقليد شكله غلط

لوووول قاعد اتخيل شكله دشداشة وتكانة وكاشخ وتحت حتى الاحرف غلط :D
حده ماله داعي