Saturday, January 23, 2010

كوكتيل الأسبوع



woohoooo i'm so happy and mad about the new editor on blogger.com Finally!!
احم احم.. شلونكم؟

اوووه قبل "شلونكم" قولولي اشرايكم بالنيولوك تبع البلوج؟
cuz honestly i don't give a damn about how u doin guys so yalla tell me that it looks hot amazing cute etc.etc. :P

حبيت فكرة نغسل الكرة الارضية، يمكن وراها نفتك من الآفات الرجعية اللي عندنا

اليوم مزاجي رايق، وقررت اني اكتب الاربع بوستات (اكرر اربعه يا مدون غريب اللي توك دريت انهم اربعه مش وحدة بس بالاسبوع! ارررررربعه) واغير اللوك واكتب طول اليوم يعني مش ورا بعض، يعني امزمز عالمدونة اليوم (مادري من وين اطلع هالمصطلحات) اااه اليوم مزاجي حلو اتمنى يستمر طول اليوم
............

مممممم صديقي
NakedBoy
سألني شنو المواصفات اللي ابيها لانه راح يختار شاب "محلي" مثل ماقلنا الاسبوع الماضي.. اوكي انا الهدف بالنسبة لي كان انك لازم تلقى واحد محلي بعقلية مش محلية، وقلنا بدون قيود يعني مجرد
Date
عادي وبس... مممم الاوصاف ابيه نفس لونلي لوووول
طيب لونلي كان طويل عريض المنكبين :D
وكان بعد Fireman
خلاص نتفاهم عالباجي بالتلفون لووووول اخاف اقولك شنو الاوصاف اللي مااااااحبها واخسر نص القراء هاهاها
............

بسفن بارز في مجموعة شباب يسوون حول لعيون اللي قاعدين من كثر مايقومون ويقعدون، كل شوي مسوين المكان كعبه يلفو مليون مرة وراها يروحون الحمام بعدين يردون للطاولة، كل 5 دقايق يسوون جولة عالمكان وراها الحمام وراها يردون يبون كل الناس سواء بنات او شباب يشوفونهم يعني انهم واااو وشوفونا وانعجبو فينا!!! ترى ماصارت!!! انا لما يصير فيني روحه الحمام مايكون لي خلق اروح واذا رحت تكون مرة وبالغصب وهالبشر كل شوي رايحين لا وعشان يضبطون الشعر واللبس وطبعا يجيكون على عضلاتهم المفتولة يمكن مع الشيشة فشت شوي!!! ناس عجيبه
............

على طاري العضلات، ليش صارو كل الشعب معضلين؟ اوكي العضلات حلوة وانا اعترف اني انجذب حق اللي جسمه رياضي، بس ترى في فرق بين واحد جسمه سكسي عضلاته متعوب عليها وه وه يعني شي واااو..وبين واحد مبين من عضلاته انها ابر وهرمونات تلقى العضلة مالها معالم اهني احس تلوع جبدي وانغث من شكلها المقزز... فديتني انا بس كتكوت ومجكنم  :D
............

في اكثر من شخص كانو عندي عالبي بي ماسنجر وللحين ماضافوني، يمكن ماوصلت المعلومة اني غيرت الجهاز، ياريت لو يرسلولي عشان اضيفهم بأقرب وقت لاني صج كنت استانس عالسوالف والقرقه معاهم
............

حفلات ليالي فبراير هالسنه مافيها عبدالمجيد ولا راشد ولا اليسا ولا نانسي ولا نوال الكويتية!!! مو شي
............

مع بداية فبراير تكون عندي بداية الافلاس، 3 اعياد ميلاد دفعه وحدة بس بفبراير!!! كل سنه احاتي هالشهر المزعج لووول :D
............

كان اعجابي بك يتزايد يوما بعد يوما
 كنت عندما اراك بالملكي اقفز فرحا
 وعندما وجدت انك تذهب ايضا الى سفن بارز شعرت بالسعادة الغامرة لاني سأراك اكثر
 كل مافيك يشدني اليك
 قوامك الممشوق
سحر ابتسامتك
نظراتك البريئة
حركاتك الطفولية
امس الاول كانت اقرب نقطه اقتراب
فقد جلست بجوارنا، اخترت انت واصدقائك الطاولة خلفنا
هذه المرة كنت قريبا جدا
تأملت فيك جيدا
وجدت بغاية الفرح تضحك مع اصدقائك
نعم رأيتك ضحوكا فرحا كما عودتنا
ولكن هذه المرة كنت قريبا جدا
ياليتني لم أرك تضحك
فقد ذهب كل الاعجاب واختفى عندما رأيتك ضرسك المكسور
يعني منطقة مساحتها متر بمتر داخل حلجك مافيها ضرس!!! الله لايهينك قص شوية من معاشك هذا اذا ماعندك تأمين وروح ركب ضرس! حسبي الله عليك قهرتني كل هالجمال وجذي؟
يعني زين جذي كل هالاعجاب الافلاطوني راح بسبة ضرسك المشلوع؟
مالت عليك بس

5 comments:

NakedBoy said...

مبروك النفنوف اليديد
ومواصفات لونلي ليلحين ما لقيت مثلها لاني ما شفت لونلي اصلا لوووول
ليالي فبراير لا تعليق ما عدا اصالة طبعا

NakedBoy said...

وبالنسبة للضرس تقدر اتفاجاه وتاخذله موعد عند افضل العيادات

"Gay Boy" Weekly (Blogger Ricky) said...

قلنالك طويل عريض المنكبين واطفائي!! لوووول اوكي لا صج بالنسبة للاوصاف اتوقع انت تدري بالممنوعات بالنسبة لي، وتذكر الموقف اللي صارلي بالبلاكبيري وتعرف شنو الاوصاف اللي ماحبها هههههه

اما الباجي عادي اهو مجرد ديت واحد سوو عادي

اما بالنسبة للضرس، شنو انا بعد بصير اصلح ضروس الاوادم؟؟؟ هذا واحنا للحين مانعرف بعض

Anonymous said...

حبيب ئلبي ريكي، بالصدفة لقيت هالبلوج و جد ما ندمت إني ظليت أقرى تقريبا أغلب الشغلات، تخيّل إني كل ما اطلع أفرفر بالنت و بعدين أقول لا خلني أرجع مرة ثانية لووولز

المهم من بعد قرايتي لأكثر من بوست عرفت إنك تحب الكتب و القرايه شاركنا(ما عليك أمر) ببوستك الياي ببعض الشغلات إللي تحب تقراها، و ناطر بوست إيلن شو ... :)

إنشالله بظل اتابع مع إني ما أطيق الشيشه ... بس كل شي يهون على هالأسلوب الخاقوقي

Pp

"Gay Boy" Weekly (Blogger Ricky) said...

هلا فيك يالغالي (مادري صبي ولا بنت لان ماكو نك نيم بس برد بصيغة المذكر لووول)

اول شي شكرا على هالكلام الحلو، واتمنى الحين تكون زيارتك دائمة للمدونة مو بالصدفة نفس اول مرة، ورايك دايما يشرفني

بالنسبة لبوست القراءة، انا من اول كتبت بوست عن قراءاتي وبعض الكتب اللي قريتها، واتمنى انك تقرا البوست على هالرابط

http://gayweekly.blogspot.com/2007/04/blog-post.html