Sunday, September 20, 2009

كوكتيل عيد "الفطر" السعيد :P


هااااااااااااااااااااااااااااي

وحشتكم صح؟ اكيد اكيد وحشتكم، عادي اعترفوا اني وحشتكم ماراح اتغلى عليكم :P

طبعا طول رمضان ماكتبت، تدرون الشياطين تتربط برمضان يعني لحد يلومني ويقول ليش مختفي؟ :D

ااااااااااااه شوفوا انا اول احب رمضان وشهر حلو بس هالمرة كان طويل وكنت كسول طول الشهر ولا اطلع الا نادرا اما بقية الوقت بالملكي اللي صارت بايخة برمضان من الزحمة، وبالويكند سفن بارز وشوي بيت اخوي وبس

الحين رجعنا للكتابة، بس هالاحد بوست واحد كوكتيل، ومن الاحد القادم ترجع البوستات الاربعة كالعادة

اول شي كل عام وانتو بخير وعيدكم مبارك وايامكم سعيدة وبس هذه كل الجمل اللي حافظها

خلوني ارد على بعض الردود اللي وصلتني الفترة اللي طافت: برد عليهم هني، شفتوا شلون ادلعكم لاني احبكم :*

برد علطول وطبعا كل واحد عارف اهو شنو كتب وان الرد حقه، عالسريع لاني بروح اخذ عيدياتي :D

اوووووه صح نسيت: شوووفووو اللي مايعطيني عيدية يطلع برة من الحين، السنة اللي طافت مشيتها لكم بس هالمرة ياويلكم لو مافي عيدية

............

اللي يقول انه حاب شخصيتي وكان على قولته مثلي الجنس سابقا وقرر انه يبطل كل شي بسبب تعارف النت: اقوله اول شي فديت قلبك انا متأكد انك انته اللي شخصيتك عسل، وثاني شي فعلا انا معاك انه تعارف النت سيء، وانا صارلي فترة طويلة مبطل تعارف نت، لكن قررت ارجع واحطلي قواعد امشي عليها بالتعارف عشان احاول كثر ما اقدر اني اتعرف على الاحسن والناس الزينة والطبيعيين مو السايكو واللي مايدرون الله وين قاطهم، ومشكور عالكومنت

............

الاخ اللي نفس برجي: يلا الحين كاتب عربي مو انجلش او انجلش معرب، ابسط ياعم :P

يعني انته نفس برجي وتشيش بحولي بعد ونتشارك بوجهات النظر، لا خلاص حبيتك ومن الحين اعتبرك صديق المدونة :) فديت برج الحمل كلهم يحبون الشيشة :D

............

اللي لقى مدونتي بالسيرش

google

طبعا هذا حظي الحلو انك لقيت مدونتي بالصدفة، ويشرفني انك حبيت البلوج، وترى انا ضفتك بس للاسف انا ماشبك ماسنجر وايد، بس انشالله بشبك اكثر، وطبعا ايميل المدونة موجود تقدر تشوفه

اما بالنسبة لل

Rule

اكيد هذا احسن شي، المكان اللي تكون دائما متواجد فيه لازم ماتجازف فيه

............

Good that u liked my blog old naughty.

............

cute EMO

فديتك وفديت الايميل اللي دازلي اياه، والله انا فقدتك اكثر وولهت عليك وعلى السوالف الحلوة معاك، وادري انا مقصر اني مادش ماسنجر وايد، والله استانست وايد من شفت ايميلك، مايحرمنيش منك يا عسل

............

فديتكم والله ولهت عليكم، انا قلت اكتب بوست واحد بس اليوم، لانه عيد واكيد بتكونون مشغولين ومابي اثقل عليكم، وحبيت يكون بوست خفيف، وطبعا الحلو بالموضوع انه العيد صادف يومي المفضل ويوم المدونة وهو الاحد :)

وحبيت اني ارد على الكومنتس هني بالبوست كتعبير عن شكري للناس اللي تذكرتني وحبت تشاركني حتى وانا مختفي شهر كامل، اي كومنت من اي انسان يعنيلي وايد

اشوفكم الاحد القادم

Happy Holidays

22 comments:

Anonymous said...

مشكور حبيبي و كل عام و أنت خير وا عساهيعود عليك و علينا كلنا بالخير و البركة

Anonymous said...

هلا وغلا . فعلا لك وحشة عزيزي مستر ريكي وشكرا انت العسل ... أنا الي كنت مثلي سابقا .. صراحة مادري شقولك بس اتمنى تعلمني على القواعد الي تقولها لأني أشوف السالفة صعب أنك تحط قواعد !!
أنا بقولك ليش .. لأن أنت يوم بتحب مشاعر تتولد داخلك مب مجرد أنك تفكر اتحب هالشخص وخلاص .. حتى لو شخص لقيته مثل ما أنت تبيه بس أنت ماتقدر تتقبله يعني مسألة هي قبول أو تفاهم لكن صدق صدق أنا تعبت نفسيا من هالمسألة .. ما اريد اعقد حياتك بس شسوي !!
خلاص شو رايك أنت وأنا نكون علاقة
سوري ع سووء كتابة أو تعبير لأني أكتب بالفوون

وتحياتي لك ;)

Shams Al-Ma7aba said...

كل عام وانت بخير ريكي وعساك من العايدين السعيدين..

سامحني صارلي مدة ما كلمتك ولا سلمت عليك بس وايد أشياء صارت لي

كل عام وانت بخير :)

Sultaneez said...

فديتك والله
اكيد تعبت اصابعك بالكتابه يوم العيد
تصدق خااطري ابوس ايدك
>>بالطريقه الفرنسيه الارسطوقراطية
اللي يلست ساعه عشان اكتب الكلمه

وتصدق بعد خاطري اسلم عليك وابوس خدك اليمين واليسار واقولك كل عام وانت بخير

Anonymous said...

وانا اقولك كل عام وانت بخير
وتقبل الله طاعة الي صاموا والي ماصاموا هالسنه الله يهديهم ويصومون السنه الجايه...
واتشرف انك (قبلتني) يعني من (قبول) مو من (تقبيل) كصديق وخصوصا انه برجنا واحد :)
وعقبال ما شيشتنا تصير وحده وفديتك

"Gay Boy" Weekly said...

Anonymous الكومنت الاول

وانته بخير حبيبي وعسى ايامك كلها اعياد

"Gay Boy" Weekly said...

Anonymous الكومنت الثاني

القواعد انت تحطها من الاساس عشان الاختيار، طبعا انت ماراح تحب واحد بدون لاتدري اصلا اهو منو، من البداية قبل لاتكمله تحط قواعد معينة لنفسك، يعني مثلا واحد مايقول جملة مفيدة وكلامه سطحي بالماسنجر، هذا تدري انه ماعنده ذرة ثقافة وخلاص ماراح تكمل معاه، من النت راح تقول ماينفع، تشوف الاحسن، يعني قواعد في البداية عشان ماتخلي نفسك عرضة لاشياء ماتتوقعها

"Gay Boy" Weekly said...

Shams Al-Ma7aba

هلا والله نورت المدونة، ترى انا ماخذ على خاطري منك شوي، من زمان عنك وترى ولهنا عليك، والعتب على قد المحبة

اتمنى انه اخبارك تكون زينة، ومادري شنو ظروفك بس انشالله يكون كل شي اوكي، بليز طمني عنك

"Gay Boy" Weekly said...

Sultaneez

ويهي صار احمر وقمت اقط الوان، فديتك والله وفديت هالكلام العسل اللي طالع من واحد عسل

وانا بعد حسيت انك عانيت ليما كتبت كلمة ارستقراطية هههههههههه

الله لايحرمني منك يالغالي

"Gay Boy" Weekly said...

Anonymous اللي نفس برجي

عيدك مبارك وينعاد عليك بالخير حبيبي، عاد توني راد من القهوة، ها شلون كانت شيشتك اليوم؟ :)

"Gay Boy" Weekly said...

طلب صغنوووون من اللي يحطون كومنت بدون اسم، ياريت عالاقل لو نك تحطونه عشان افرق بين واحد والثاني، يعني مثلا ثلاث تعليقات كله من مجهول، لازم اعاني عشان افرق بينهم واعرف كل تعليق تبع منو، عالاقل نك او اي شي فديتكم

غريب said...

عيد مبارك عليك ينعاد العيد عليك بالصحة والعافية

اسف للتاخر بس اليوم اول ايام العيد هنا متاخرين عنكم

بس اشتقنالك ولكتابتك شو كل يوم تكتب كلمة وتقول نكمل بكرا لمن صار لك شهر

لا تقطع

باااااااي

zizou said...

انشاء الله ينععندما تحل المناسبات تتدفق من القلب أصدق العبارات.وأعذب الكلمات.ويتبادلها الأحباب والأصحاب كتجديد للمحبة وإحياء للمودة وها أنا بمناسبة حلول العيد المبارك ومن قلب محب أدعو لك فأقول أسأل الله أن يبلغك العيد ويكتب لك فيه الأجر والثواب ويعتقك من النار أنت ومن تحب)٠٠ من روائع المحبه في الله أنه مهما أشغلتك الحياة عن صاحبك فإنك لا تحمل هما...
لأنه حتما سيعذرك_ كل عام و أنت بخير

(أسعد الله قلوبا" طاهرة إن وصلناها فيكم تزورو مدونتي الجديدة على http://zizougay.blogspot.com/

"Gay Boy" Weekly said...

غريب

حبيبي والله ينعاد عليك بالصحة والسعادة

لا ياسيدي خلاص رجعنا للكتابة :) شكرا على تواصلك يا غالي

"Gay Boy" Weekly said...

zizou

شكرا على الكلمات الرائعة، وانشالله ازورك بمدونتك

Anonymous said...

Oh didn't expect that u will reply , anyway happy feast Ricky !

برج الحمل said...

صباح الخير.... طبعا لاني قاعد اكتب الصبح

عموما شيشتي تمام
وتوني طايح بشيشه عاجبتني حيل في حولي الزاويه سنتر حلوه...
وننتظر جديدك

LesbianTomboy said...

i like what u write
والله انا اكتب بموقع 2 بعد

i have another active blog cheack it

http://q8lesbian.blogspot.com/

cute emo said...

اهلينْ يآإعسل =)

وربي كنتْ موتً مششتهي~ اكون أول واحد يرد و يقولك كل عام وأنت بخير ومن العايدين وزي كذآ=(
الموهيم!~
فديتك وربي لك فقده وه بص
’,!
!لبىآ قلبك

TechnoBoy said...

دايما مشتاقلك يا ريكي

My Books and Me said...

ريكي بسك غيبه تعاااال

:((((((((((((

ترا دزيت لك إيميل بليز رد علي أول ما تشوفه

Eden said...

حييييييل حبيت البلوق مالك و اتمنى تزور بلوقي