Sunday, August 2, 2009

كوكتيل الأسبوع



الاخت الهبلة اللي ضافتني على البلاك بيري، احب اقولها دام انتي فيكي عداوة مطلقة للمثليين، ليش داخلة مدونة مثلي وضايفة هذا المثلي عندك؟ شنو هالغباء والتخلف؟ محد قالك يا اخت حبيهم بس ليش رايحة ورا الشي اللي ماتحبيه عشان تقولي هالكلام الوقح اللي يدل على تربيتك وعلى البيت اللي ترعرعتي فيه (واااو حبيت هالكلمة ترعرعتي، قولوها ثلاث مرات ورا بعض بسرعة) بس ما الومك ابدا، انتي بنفسك اول كلمة قلتيها عن نفسك في البداية انك تحسي نفسك
Bitch
وهذا كلامك انتي، والاحلى انك حاولتي تمثلي علي لكن على مين يا بابا، انا ريكي والاجر على الله، حتى اللي يمثل البراءة اقدر اصيده، مو انا اللي ينضحك عليه، وبالنهاية عرفت انك هوموفوبيك وحابة اطلعي سمومك، اتمنى لكي الشفاء العاجل، اما ماقالته لا استطيع كتابته هنا، لاني على عكس هذه المعتوهة، انا متربي ومن عائلة محترمة ومش تربية شوارع، وطبعا احلا ديليت من البلاك بيري، كتى راح نفتك من اعداء المثلية؟ يعني حتى واحنا بعيد عنهم يلحقونا ويزعجونا!!! ناس غريبة
............
يعني فعلا في ناس ماتحس على دمها الا بالعين الحمرا، هل تذكرون الشخص اللي قلت ماراح اكتب عنه الحين وشوف اذا ممكن يصير بينا علاقة او لا؟ اصلا مايسوى اني اكتب عنه بوست كامل، الحمدلله من البداية عرفته، وطلع انسان خسيس ونذل لدرجة محزنة، من اولها حاول يسوي مشاكل بيني وبين صديقي، ويشوه صورتي امامه ويشوه صورته امامي، سوووسة يا ساتر شنو هالمرض؟ طيب ياحبيبي اشتسوى عليك الحين منعناك من دخول القهوة وخليناك تعرف ان الله حق وخليناك تخاف تروح اي مكان فيه مجرد خيالنا؟ على قولة المثل: ناس ماتجيش الا بالعين الحمرا، الشي الايجابي انه هالمشكلة قربتني من شخص اخر، ولنا وقفة اخرى
............
انا صاير مدمن على السوشي، ااااااااااه لما اكل سوشي ادخل عالم ثاني، احلا اكلة عندي، واللي بالكويت انصحكم بمطعم
Maki
احلا سوشي عندهم
............
فدييييييييييييييت اللي عندي على البلاك بيري، اربعتكم عسل، بس اثنين منكم اعسل من الباجي، واحب سوالفكم واحب قرقتكم ومايحرمنيش منكم :***
............
انا طبيعتي اللي بقلبي على لساني، وكنت اقول يمكن ناس ماتحب هالشي بس هذا انا، لكن من كم يوم كانت هذه الميزة كفيلة بانهاء سوء تفاهم صار بيني وبين اشخاص احبهم واموت فيهم، شفتو شلون انه احلا شي الواحد يكون اللي بقلبه على لسانه ويكون واضح وصريح وسيدة بدون اضافات ولف ودوران؟ فدييييييييييتني
Loveny wayed wayed *kisses himself*
............
من رديت من البحرين للحين مارحت النادي، اااااااااااه ودوووووني مادري ليش صرت كسول :(
اوه على طاري النادي، كنت حاط شكوى وبعد بشهر قروها لوووول، يلا عادي متأخر احسن من بلاش، بس عجبني لما اتصلوا علي وقالولي راح يتم تغيير المدرب بالفترة اللي اروح فيها، يا سلاااااااااام شنو هالاهتمام الزايد، حسيت نفسي شخصية مهمة :D
............

حبيت نكي اليديد من الصديقة اليديدة اللي دخولها بحياتي له معنى كبير، اكثر من اللي هي تتخيله، صاحبة عقلية ولا اروع، انسانة طبيعية بكل معنى الكلمة وعقلية نظيفة وهالشي اللي للاسف نادر بمجتمعاتنا
كتكوت مينون :D
hehehe حبيت النك
............

اشكال يديدة صارت تدخل الملكي، اثنين اشكالهم واضحة انهم مثليين، يا كيووووتكم اشكالكم عسل الله يخليكم لبعض

كمان اثنين بس تحف، اهم شي يسألوني: اسمك خالد؟ قلت لا، طيب اخوك اسمه خالد؟ قلت لا، والاخ مصمم، انته وايد تشبه خالد سبحان الله، لوووووول
عاد واحد منهم ااااااااااه يعني راح اكله والله، لو مكان غير القهوة يمكن اكلك لووول بس بالقهوة انا ثقيل وما اعطي ويه :D

وفي واحد اااااااه واااااي مو صج اشحلاته، هذا بقهوة برة مالي شغل زوغة حبيته خلاص، نكه صار بلاكبيري بوكاب، لانه دايما يلبس كاب وعنده بلاكبيري، هذا نكك كيفي :P
............

سيارتي للحين مصممة تكون فكاهية معاي!!! بنفس اليوم اللي شفت فيه صاحبنا بطل المدونة هالاسبوع، رحت القهوة وبعد ماطلعت من القهوة لقيت سيارتي حلجها (فمها) طايح نصه عالارض؟ شنو فيييييييييييي خير حبيبتي شنو بابا اشفيه حلجج بالقاع؟ وااااااااااي مو صج والله بس بسسسسسسسسسسسس حبيبتي بطلي هبل الله يخليج
............

بعد ماتعلمت اسوي جاي(شاي) ومستانس مع ويهي، صرت دايما ابي اسوي حق نفسي مع اني ماحبه بس كشخة اعرف اسوي، سويت ويوم شربت حسيت في شي غريب، بعد فترة استوعبت اني حاط ملح بدل السكر، نصيحة دققووو عدل ترى كله لونه ابيض، عشان لاتتغير ملامحكم وتطلع الوان عجيبة على ويووهكم

2 comments:

sophisticated said...

LOL !!!! badda3t bl sugar wel mel7 !! @@ sj ktkoot minon !! :P
FedaiiiiiiiiiiiiiiiiiiiTiiiiiik 3asoool wala ;**

nabil said...

انا مثلى وحاب اتعرف عليك
ali.0886@live.fr