Sunday, April 26, 2009

مطار الكويت



عمري مادخلت مطار الكويت سواء للسفر او للاستقبال او توصيل شخص او زيارة فرع للاتصالات مثلا الا وشخص يحاول يتعرف علي


يعني اطلع كل مكان بالكويت ولاتحدث هذه الامور الا نادرا، الا في المطار لازم كل مرة


طلعت من القهوة الفجر وكنت ناوي اطلع خدمة انترنت من الوطنية وطبعا افرع المطار فاتحة 24 ساعة، رحت هناك وكنت اكلم "فديته" بالتلفون، اوووه ماكلمتكم عن "فديته"؟؟ اوكي ماراح اقولكم بس زعلت


المهم وانا اكلمه سألته ها اطلع وطنية ولا فيفا؟ وطبعا اكيد الوطنية لان فيفا تغطيتهم ليست ممتازة، وانا اكلمه بالتلفون وهو بالبحرين بعد جبدي شفت واحد قلت بيني وبين نفسي "مممم سكسي" وبس طنشت لاني مو من النوع اللي ابدي اعجابي في اي شخص، طبعا انتو حافظين موال الخطوة الاولى مالت علي


شوي ولا اشوف هالشخص نفسه يطالعني لدرجة صار يحاول يتقرب مني


عاد وانا اكلم "فديته وفديت البحرين كلها" كنت اقوله قبل لا ادخل المطار انه دايما بالمطار تصيرلي مغامرات، وسبحان الله صارت بس هالمرة مغامرة هبلة


خلصت شغلي وطلعت ولا احس بشخص لاحقني، قرب مني وابتسم وقال "ريكي؟" طبعا قال اسمي الصجي مو ريكي بس لزوم البلوج، لازم كل شي اوضحه ترى تعبت خلاص!! اوكي المهم استهبلت شوي وسويت نفسي ما اتذكره، وبعدين حركاتي الهبلة اوووه اي الحين تذكرت شلووونك :S


قالي تبي الصراحة؟ اول ماشفتك انعجبت فيك وحبيت شكلك، ولما قربت منك وانت عند الوطنية شبهت عليك، وقلت بكل الاحوال لو طلع ريكي اوكي شي حلو، ولو ماطلع ريكي راح اتعرف عليه، طبعا انا مغير اللوك 180 درجة فا عادي كثير راح يتلخبطو بشكلي


وطبعا نفس الموال وينك مختفي ليش قاطع اففففف اكره هالسيناريو، بس هالشخص عسل لكن تذكرت اني كرهته لانه يحب الفون سكس، وبالنسبة لي الفون سكس عبارة عن هبل رسمي، ومشكلته يحن لازم فون سكس، فون سكس بعينك انا ناقص عاهات، يلا متحمل نفسي


طلب رقمي مرة ثانية وعطيته بما انه معرفة قديمة، يعني ايضا هذه المرة صارت مغامرة بالمطار، صح انها من نوع ثاني لكن ايضا لازم يصير شي في مطار الكويت


طبعا اول مكالمة لما رجعت البيت وعاد موضوع الفون سكس، يخرب بيتك الهي تنحرق بفرن زين؟؟؟ يعني ماكو فايدة؟ :@

على قولة عادل امام

يخرب بيوتكو مليتو البلد :D

2 comments:

Kenji_q8 said...

لوووووووووووووول

ريكي هالبوست عجيب لول مت من الضحك لول , منو " فديته " لول أدري ماراح تقول منو بس قلت أحاول وأسأل :P

أول شي مبروك الكونكشن اليديد ويارب ماتكرها بعدين لول , وعلى فكرة كلمة " فيفا " أحبها :( نذكرني بأحد كان " فديته " عندي لول

وعن المطار , ماذكر صارلي شي هناك , بس ودي لول المغامرات حلوه , أما صاحبك ابو السكس فون , فصج فيلم لوول .. أنا مثلك ماحب هبل السكس فون , أحس نفسي مينون لما أسويها لول

بترجع تكلمه ولا بتسحب عليه :P ?

"Gay Boy" Weekly said...

Kenji_q8

اوكي بقولك منو "فديته" بس بعدين مو الحين :P

الله يعينك على "فديته" مالك، جان زين يفهم ويتعدل والله مال طق

ارجعله؟ ممممم فكرت اكلمه مرة ثانية، او بالاصح اعطيه رقمي اليديد لووول بس مادري، عاد هالمرة لو بعد بقول فون سكس يمكن اطلعله من التلفون وارتكب فيه جريمة

آل فون سكس آل