Sunday, April 19, 2009

مسابقة.. اكتشف لونلي



اوكي شنو قصة الملكي هالايام؟ صار في كثير مثليين بالقهوة؟ طبعا رادار المثليين يشتغل واحس فيهم

ممممم شكلي سويت دعاية للقهوة وفي ناس من قرائي حبايبي اللقافة زايدة عندهم وصاروا يقعدون بالملكي

بس صج اشرايكم فيها؟ قهوة هبلة ووناسة، تنسدح تنام تموت عادي كله ماشي :D

طيب بما انكم ماقصرتوا وزرتو القهوة مالت، لا عاد صج في وايد مثليين بالقهوة زايدين هالايام مع انها معقل المغايرين، بس عادي اخذوا راحتكم ولو، اللي يكلمكم او يزعلكم بكلمة اقوم اعطيه على راسه، بس اذا فجأة التلفزيون اللي جدامكم اتسكر معناها انا قاعد العب لاتعصبوا علي

المهم قررت اسويلكم مسابقة اسمها "اكتشف لونلي" قبل لايموت، يموت يعني خلاص اتخطى مرحلة اعجابي في لونلي لاني حاط عيني على غيره يعني خلاص صار موضة قديمة، مالت عليه صنم توت عنخ آمون مايتحرك

بما اني ازعجتكم في لونلي، بسوي مسابقة اكتشف لونلي، عاد سهلة تكتشفه لانه ياخذ عيون كل مثلي صدقوني، حتى اخر مثلي حسيت فيه بالقهوة كان عينه على لونلي، وطبعا احساسي قالي انه مثلي واحساسي مايخيب، من كثر مايطالع ويخز هاها

المسابقة تبدأ من اليوم ولحد آخر شهر خمسة، يعني نهاية الشهر القادم، ومن الحين لحد نهاية الفترة المحددة، اللي يعطيني الجواب راح يفوز واسكر المسابقة

باليوم اللي تكون قاعد فيه بالملكي وحسيت انه هالشاب الحلو هو لونلي، علطول سجل شنو لابس وكم كانت الساعة وارسلي ايميل، طبعا انا راح اعرف علطول بما اني مقيم بالقهوة، ومن اليوم كل يوم بسجل شنو لابس لونلي عشان لو جوابك صح اعرف علطول واقولك اذا انت صح او غلط

يعني اذا حست هالشخص الاهبل لونلي قولي اي يوم والساعة كم وشنو كان لابس طيب؟

الجائزة راح تكون من جنس العمل، يعني شيشة، اللي يفوز راح يكون معزوم على اوبن داي يوم كامل شيشة بأماكن مختلفة انا اختارها، اللي مايشيش لايدخل المسابقة لانه ماراح يستمتع باليوم، يعني عادي خمس او ست اماكن مختلفة شيشة مو مشكلة :P

يلا باي بس خلاص

4 comments:

memoirs of a gay-sha said...

لول يصلح أنا أشترك طيب ؟!!!


تمنياتي بالتوفيق للجميع

ونصيحه اذا ما كنت تحب الشيشه لا تشاااارك حتى لو تعرف الاجابه ومتأكد منها لانك رح تبلش نفسك بيوم مليء بالشيشه والعج والغبار واحنا في الخليج مو ناقصين غبار


طيب انا بأعطيهم تلميح ابي اساعدهم شوي

شوفوا هو تلاقونه بقهوة الملكي >> اهم شي المساعده الي زي وجهه هع

"Gay Boy" Weekly said...

memoirs of a gay-sha

انت ماينفع تشارك لانك شفته :P

ترى يبيلك طق لوووول

Kenji_q8 said...

من كثر ماتتكلمون عنه صرت أبي أشوووووووووووووفه :( لول

أنا مو بالكويت ألحين بس لما أرجع بدوام هناك , أصيده يعني أصيده لو ماطلع حلو بحقد عليك ريكي لول

ثانكس على البوست :D

"Gay Boy" Weekly said...

Kenji_q8

اذا بترد الكويت قبل نهاية شهر خمسة عيل دش المسابقة :D

واذا مادشيت المسابقة ولايهمك بساعدك اخليك تشوقه :P