Saturday, February 14, 2009

كوكتيل الأسبوع



اوكي الصورة مالها علاقة بالكوكتيل، بس حبيت الصورة، صورة حلوة للاعب ديفيد بيكهام، طالع فيها
so damn HOT
حتى اغنية اصالة (بقى طبيعي) ما اقصد فيها شي بس حبيتها :D
............

احم احم، راح اسوي تاتووو دائم ياااااااااااااااااااااااااااي
لقيت مكان بالكويت يسوي تاتوو دائم، مش رسم او حنه او هالهبل، تاتووو داااااااااااااااااائم، راح اسوي لاني مغرم بالتاتوو وراح اسويها اسفل الظهر :D
بس مو الحين، راح انطر اسبوعين اشوف يمكن اغير رايي لاني ممكن بأي لحظة اغير رايي فا حبيت اني اعطي نفسي فرصة
............

يعني انا اذا قررت اني ما اكلم احد خلاص هالشي بيني وبينه، مو اروح المكان اللي يشيش فيه وامشي جدامه وما اسلم عليه واخلي العمال اللي هناك يستغربون ويقولون اشفيهم مايكلمون بعض، يعني سخافة وهبل ماشفت مثله بحياتي، في ناس غصب تخلي الاخرين يستسخفوهم، والله في ناس ماتفهم غباءهم شلون صاير، اااااااااااااه علطول اتذكرك يا روميو ونصيحتك اللي شكلي صج بسويها لو استمر هالهبل بالظهور، والله شكلها جذي، روميو يقز بالبرازيل الحين مايدري عن هوا داري :D
وانت يا اخ، لو انك للحين تقرا بلوجي احب اقولك: يا اخي اشتبي داش بلوجي؟؟؟ ها؟؟؟ شتسوي ها؟؟؟ ويعة
عارفين انا عن منو اتكلم؟ هل تذكرون بوستي عن صديق سيء وغير سوي؟؟ نفس الشخص
............

لما نقول "بطلنا نحب" نجد الحب!! مادري ليش هالشي دايما يصير، اول ما اقرر اني انسى موضوع الحب والعلاقة اجدها امامي وبدون اي جهد مني، ولما اقرر اني ابي حب وعلاقة ما القاه، شي غريب
............

لونلي تلفون حاطينه على السايلنت، لما يتكلم يعني كلمة وحدة ويسكت عشر ساعات، وفعلا لونلي حتى لما كان قاعد مع اصحابه مطنشهم وسرحان، ممممم مادري ليش، فعلا لونلي بس ممممم اااااااااااه بس بسكت بسكت
............

اثنين قالولي نفس الكلمة، يحسون ان كيووتي شيطان اما لونلي فيه جاذبيه ومتزن، استغربت شخصين قالولي نفس الكلمة واثنينهم صح :) فعلا كيوتي مبين عليه شيطان وفيه خبث بعد، اما لونلي شكله متزن وايد وفيه جاذبية وسحر مش طبيعي
............

ااااااااااه ياربي مليت من مزاجي، الايام اللي طافت كلها مزاجي عسل، اما من يومين بالضبط مزاجي كان زفت، وكنت داخل القهوة وانا موووودي متعكر ونظراتي الله لايوريكم يعني كأني توني الحين طالع من جهنم ومعصب، على حظي الزفت اول شي شفته بويهي كان لونلي وفوق هذا علطول حط عينه بعيني، انا لاشعوريا عطيته نظرة خليته يحس انه حشرة غير مرغوب فيها، انا مو قاصد بس انا اصلا كنت معصب وبهالحالة نظراتي كلها بشكل لا ارادي تكون نظرات يعني حل عني ومالي خلق نفسي.... يعني حبكت مزاجي يتعكر باليوم اللي لونلي اول شخص اشوفه جدامي؟؟؟
............

ذكرني الاحد القادم اكتبلكم عن "السيد اعشاب" اللي طلعت معاه في ديت!! مو انا حظي يخليني اطيح بناس يا سلام، طيب شلون راح تذكروني اصلا؟؟ ممممم مادري بس ذكروني وخلاص
............

2 comments:

Just2post said...

Hi there!
I write on your blog because u ask and wonder for that :)
I'm learning your blog because there is a kinda life on it : colors, muzik... and nice story.
Honestly, i can't undrestand all words, but i can undrestand the whole sense

thx 4 u
take care
xxx

غريب said...

عزيزي مدونتك حلوة وبعد اذن راح اجي كل يوم اقرا اللي فيها واتمنى دائما لك السعادة واهم شي القى في المدونة الجديد اللي يسعدني ويريحك

لك مني كل الود والاحترام