Saturday, January 17, 2009

Lonely & Cutie الخطوة الاولى و



نظرة.. فابتسامة.. فا ؟؟؟؟؟؟؟ بس خلاص

يعني اكثر شي انا ممكن اسويه النظرة، حتى الابتسامة تطلع بالموووووت مني، مع اصدقائي دائما ابتسم واضحك بس لو في شخص بينا اعجاب تصير ابتسامتي مستحيلة ولازم ابذل جهد عشان تطلع

قاعدين بالقهوة، وهو ايضا من زبائن تشي تشي، صارت بينا نظرات، نظراته حلوة :) وابتسامته احلا، بس انا فيني عقدة الخطوة الاولى، ماقدر آخذ خطوة اولى ابدا، مادري ليش بس هذا طبع فيني

صاروا الحين شخصين، خلينا نسميهم
الاول اسمه LONELY
والثاني CUTIE
الاول شفته اول مرة بالمقهى الملكي

ممممم طيب اوكي خلني اقولكم اول المقاهي بعدين نبلش

القهوتين اللي دايما اروحهم الملكي وتشي تشي، الملكي لو تذكرون انا مرة كتبت بوست عن قهوة وسويت دعاية للقهوة بمواقع مثليين عشان يحتلوها بدل المغايرين اللي قاعدين على قلوبنا (مع احترامي وحبي لهم هاها) هذه كانت الملكي، لكن موقعها القديم تغير وصارت بمكان ثاني الحين، هذه قهوة بسيطة عادية تدخل باطار الشعبية وشيشتهم حلوة وانا زبون دائم فيها وكل الناس هناك من اهل الشيشة يعني مش دلع

وتشي تشي طبعا عارفينها مكاني المفضل للشيشة وايضا افتخر اني زبون مميز فيها ودايما يدلعوني هناك، كيفي مستانس :P

انا مادري ليش انجذب دائما للشخص اللي يكون قاعد بروحه (لوحده، وبرواية اخرى لحاله) احس اللي يكون طالع لوحده فيه ثقة كبيرة بنفسه، يعني مايقول والله فشلة وليش طالع بروحي

شفته بالملكي مرة، وشفته بتشي تشي مرة ثانية، هذا صديقنا لونلي، بس صار وراها يوميا يروح تشي تشي، وطبعا يبين اذا زبون جديد لان حضرتي من اهل البيت وتشي تشي بالذات زبائنها معروفين وحافظ اشكالهم خلاص

اخر مرة كنت رايح التويليت وهو كان واقف بالقرب مني ولا حتى طالعته ولانظرة، مادري اشفيني لو شخص عاجبني ماقدر حتى اطالعه، ولما قعد كان ايضا طاولته عند طاولتي بس اللي يشتغلون هناك الله يهيدهم مايعطوني فرصة حتى اطالع الاوادم بسبب كثر كلامهم معاي

الثاني كيوتي يمكن من شهر اشوفه يوميا بتشي تشي لكن ولا مرة صادف وطاحت عيونا مع بعض، من يومين قعد جدامي (امامي) ترى مليت وانا اترجم خلاص راح يصيرلي سنتين اكتب يعني لازم تكونون حافظين اللهجة :)
المهم من اول ماقعدنا كل واحد فينا يطالع الثاني ويشيل عينه، بس بعد ابتسامته الحلوة صار الوضع احلا، بس انا طبعا الامل فيني معدوم، كلها نظرة وبس خلاص، بس صار في سبب حلو يضاف للاسباب الاخرى اني اروح تشي تشي :)

حبيت فيه لما يتكلم ويبتسم ويطالعني، يعني يعطيني ابتسامة بس غير مباشرة، انا ضحكت وماسك ضحكتي غصب بس الغبي حبيبي فديته بعدين لاحظ اني مو قاعد اضحكله، كنت اضحك لانه كان يشيش فترة والراس اصلا مافيه ولا فحمة وبعدين الاخ لاحظ ههههههههههه

صحيح اني مستحيل اخذ الخطوة الاولى (بس عادي اخذ الخطوة الثانية لاتخافون) وصحيح اني زبون دائم للملكي وتشي تشي فيهم وبلاهم، بس خلونا صريحين، مع وجود ناس نفس لونلي وكيوووتي القعدة تكون لها طعم احلا ;)

4 comments:

Anonymous said...

انت روعه
حتى الغنية اللي حطيتها مناسبه لها البوست

انا نفسك استحي وايد من الخطوة الاولى
بس خلاص
شكلي بغير هالطبع
يقولون الحب كر وفر واستدراج
شو بخسر اذا انا بديت اول خطوة
بالعكس دليل فعلي على الثقه بالنفس

"Gay Boy" Weekly (Blogger Ricky) said...

سلطان االظبي

تسلملي عالكلام الحلو

انا مو بس استحي، انا ماعرف اخذ الخطوة الاولى كلش

انا اشجعك انك تغير وتصير تاخذ الخطوة الاولى، حتى لو ماشمت معاك كاراح تكون خسران شي بالعكس تحس انك سويت اللي عليك بدل لاتقعد فترة طويلة تقول ياريت لو اني خذيت خطوة، وفعلا هذا دليل ثقة بالنفس وبنفس الوقت تعتمد على شخصيتك لانها مو سهلة

Anonymous said...

واااااااي إنت تهبل :*****
حدك زووووووغه

بالنسبة حق موضوع إنك تبادر بالخطوة الأولى أنا أقول أحسن لك تتم على نفس ما إنت

لا تبادر بالخطوة الأولى لأنه أحسن إنك تكون غامض و ما يدرون شنو تبي تسوي فا اللي يبيك أهوا اللي يتكلم مو إنت اللي تبلش بالخطوة الأولى

و موقف يضحك صراحة وياه عباله إنك تضحك له لووول

أنا حبيت لونلي تصدق مادري ليش
أحس كيوتي شيطان شوي
يعني يلعب على الأوادم مادري

بس يخسي يأذي و يجرح حبيبنا ريكي :**

عشان أسوي مجزرة بالكافيه ;)

WE LOVE YOU RICKY!!! :**** <3

gossip boy ( gaysha ) ka said...

اقول ريكي حبيبي
تبي الصراحه المؤلمه
انت لا فالح لا في الخطوه الاولى ولا في الخطوه الثانيه ولا حتى الاخيره
خاصه الاخيره هذي حط تحتها مية خط خخخخخخخخخخخخ
سوري على الوقاحه بس لازم احد يصكك كف عشان تصحى من الغيبوبه
لا تنسى انه واحد منهم جا ووقف جنبك وانت جلست ساكت ما قلت شي
والثاني ضحك بوجهك وارسلك مية نظره
وهم انت ساكت مثل ابو الهول
اما بالنسبه للخطوه الاخيره فخلني ساكت بس
مدري حسيت اني زودتها حبتين بس تعرفني المهم لك كامل الحريه تحذف الكومنت