Saturday, November 29, 2008

ومن "الحش" ماقتل



كل واحد فينا تصير معاه مواقف ممكن طريفة ممكن محرجة ممكن غبيه، حبيت اشارككم اليوم ببعض المواقف اللي صارت وتصير معاي
............

كل واحد فينا يحش، الحش باللغة العربية مممم خلوني اصيغ كلمة "التكلم عن شخص آخر اما بداعي السخرية او الاستغراب او لاي سبب آخر" ودايما هالشي يصير، انا لما احش يكون الحش كتعليق وانا بصراحة لو ماعلقت اموت، مشكلتي اللي دايما تصير معاي كل ما اعلق على احد يطلعلي

مرة كنا بالقهوة انا واخوي وطبعا بالقهوة في ناس قاعدين الى جانبنا، كان لابس لبس نفس البجاما بالضبط، انا ضحكت وعلقت عادي، فجأة ولا دخل وسلم على الشخص اللي قاعد بجانبنا طبعا حسيت اني من الاحراج راح اموت لان صديقه سمعني، وكان ماشاء الله عضلات وطويل يعني كف واحد منه ممكن يوديني الاخرة بدون فيزا
......

اخر مرة اجتمعنا في تشي تشي مع الاصدقاء دخل واحد وكان لابس ملابس شتوية وسكارف وجاكيت وحالته حالة والدنيا اصلا حر، انا قلت ياربي حر والله حررررر هذا مو معقول، ومشكلتي انه صوتي يكون مسموع ياربي شسوي، الاخ قعد الى جانب طاولتنا وكان في بنتين بانتظاره، لاشعوريا حطيت راسي عالطاولة من الاحراج شكلي صار معوق وقلت مستحيل ارفع راسي خلاص سمعوني، صديقتي عطتني نصيحة اعطيهم ظهري عشان لا اشوفهم وبنفس الوقت اقعد بشكل طبيعي مو مثل شكلي وانا قاعد كأني معوق، ياربي ليش كل ما احش في احد يطلعلي؟؟
......

ومع الحش وانا بزيارة لبيت ولد عمي يعني لسه مامداني اعلق على البلاوي اللي مسويها في البيت الا الاخ في وجهي واتوقع سمعني
......

ومرة بالجامعة حشيت بالدكتور وبنفس الوقت مر من جانبي وعطاني ابتسامة، احترمت نفسي ورحت سحبت المادة
......

الى اليوم كل ما احش في شخص يطلعلي او القاه جلس الى جانبي، حظي سيء مع الحش

6 comments:

Hassan Mostafa said...

فعلا مواقف محرجة جدا رغم انها بتبا مضحكة بعد كدة لما تفتكرها

سي يو

"Gay Boy" Weekly (Blogger Ricky) said...

hassona

صحيح، محرجة في وقتها لكن بعدين تكون مضحكة.. لكن صراحة الاحراج وقتها يكون صعب :)

gossip boy ( gaysha ) ka said...

طيب الحمد لله هذا دليل على انك الى الان ما حشيت فيني لانك لو كنت حشيت فيني كان طلعلتك

وبصراحه مفروضا انك تتعلم وتوقف الحش في الناس بس في بعض المواقف ما اقدر اسمي الي كنت تسويه حش احسه تعليق او تعبير صريح عن الراي اكثر من انه حش

وكمان وش فيك كل شوي تقول الى جانبنا اش معنى هذي الكلمه لما بتقولها تقلب عربي فصيح طيب قول يمي او بيمي او اذا مره قول بجنبي اكشخ من الى جانبنا حسيت اني اشوف المناهل

ويللا سلام يا بيتش

Anonymous said...

من الحش ماقتل!
افهم من كلامك أن الحش مثل الحب عندكـ ، مثل مايقولون "ومن الحب ماقتل" !


الحشه اللي في الدكتور والله قويييييه
ماني متخيل الموقف مت من الضحك..
هههههههههههههههههههههههه

عقوبة ربي جاتك بسرعه بطل الحش وتسلم :p

بوست حلو وخفيف والصوره من جد كيوووت عجبتني شكلي بحطها افاتار!
:d

"Gay Boy" Weekly (Blogger Ricky) said...

saudi narces

خلاص عيل بحش فيك عشان تطلعلي

اهي صح مو حش، اهي تقدر تقول تقط تعليقات عالناس اللي تستاهل التعليق

اما الى جانبنا، اولا كلمة يمي اوكي، بس بيمي هذه شنو؟ بيمي بدلية

ماكتبت يمي لان مو الكل يفهمها، يعني اوكي انا ادخل مليون لهجة في بعض بس بالنهاية يكون الكلام مفهوم للكلن بس ما اكتب مصطلح مايكون مفهوم لبقية العرب، وكلمة يمي مايفهمها الا الخليجي فقط

حتى الحش قعدت بساعة افكر بترجمة حقها :D

وبعدين جب :D

"Gay Boy" Weekly (Blogger Ricky) said...

Elvis

الحش حلو بس اللي بمعنى التعليق انك تعلق على الناس اللي تستاهل التعليق، مو النميمة، حبيت اوضح هالنقطة بس :P

يعني تلقى واحد مشتي بالحر او واحد شكله يشدك للتعليق اكيد راح تعلق، بس انا ماعرف اسيطر على نفسي اعلق ويسمعوني واتوهق

سالفة الدكتور الله لايحط احد بهالموقف المحرج والشعور اللي حسيت فيه، علطول ماكملت دقايق ورحت سحبت المادة احترمت نفسي :D