Saturday, November 29, 2008

وايضا كوكتيل



من فترة ماتت بنت ولد عمي، الله يرحمها، هي مولودة بطريقة خاطئة غلطة الدكتور وهالشي نتج عنه عدم وصول الاوكسجين للدماغ مما جعلها بحالة اعاقة دائمة، دائما نائمة على ظهرها لا حركة وكأنها ميتة، وتأكل من خلال مغذي وتكبر وهي نائمة، طبعا في حالتها تعيش الى عمر الثانية عشر او الثالثة عشر بالكثير ثم تموت، وهذا ماحدث بعد بلوغها الثانية عشر حيث دخلت في غيبوبة ثم ماتت، يعني موتها كان متوقع في اي لحظة واكثر العائلة من الاساس لم يروها وهذا ماخفف من حدة الموقف حيث كما قلت موتها متوقع في اي لحظة، وايضا موتها كان راحة ممكن لابيها وامها لانهم تعبوا كثير في حالتها المستعصية وعرضوها على افضل الاطباء في العالم لكن الجواب واحد وهو انتظار موتها بعد بلوغها الثانية عشر من العمر

كان اول عزاء احضره، حيث ان عزاء عمي لم احضره الا قرابة ربع ساعة في مدينة الخبر السعودية ثم ذهبت الى البحرين طيلة ثلاثة ايام العزاء، لحد يقول انا ما استحي، ابوي اللي قالي روح لان "ويهي مو ويه عزا" وهذا اللي صار ورحت

بس هذا العزاء كان لازم اروح، وطبعا انا ماحب البس دشداشة يعني عالاقل مفروض البس شي اسود، اوكي انا عندي لبس كثير لكن الاسود بالذات مافي شي يناسب احترام العزاء، كله لبس ديسكو، بس الحمدلله لقيت شيء اسود محترم كنت ما ادري عنه ولبسته

امي طول اليوم توصي كل عيال عمي "ديرو بالكم على ريكي، ضحكته مصخرة، انا عارفة ولدي لما يضحك مايسكت، لحد فيكم يضحكه، لحد فيكم يطالعه" وطبعا مليون نصيحة لدرجة ولد عمي قالها راح ياخذني معاه بالسيارة وطول الطريق يضحكني عشان هناك اكون خلصت ضحكي

بالعزا واحنا قاعدين اللي مقابلني ولد عمي والى جانبي ولد عمي الثاني وهالشخصين خلقة مصخرة، صارت شغلة وضحكت ومسكت نفسي بعدين، بعدين واحد صار يتكلم صراحة كلام مو مقنع انا شفت ولد عمي يأشر في ايده على اساس انه هالشخص معتوه، انا هنا خلاص مت من الضحك وفجأة ابوي صار يعلق وراها ولد عمي ابو المتوفية صار يضحك وكلنا ضحكنا وصارت مصخرة

بعد ماصرنا فقط العائلة اجتمعنا مع بنات عمي وخصوصا كل واحد فينا عايش بدولة ومو دايما نجتمع، من اول ماقعدنا مع بعض صار الوضع كله ضحك ونكت ونسينا انه قاعدين بعزا، حتى بنت عمي قالت خلاص ريكي خربها وهي خاربة خاربة خلاص نعميها وبس
..........

ومع ضحكتي الغريبة انطردت مرتين من المحاضرات لاني لما اضحك ما اسكت، بعكس الطلاب اللي يضحكون ويسكتون، طيب مو ذنبي اني ماعرف اسكت بسرعة
..........

من ضمن المواقف المحرجة ايضا لساني اللي مرات يفشلني، كنت متواعد مع شخص وطلعنا وقعدنا مع بعض الصبح، وكان لابس النظارة وشكله حلو، اول ماشال النظارة لاشعوريا قلت "حبيبي البس النظارة احلا" وراها استوعبت ان اللي قلته غلط، يعني كأني اقوله عيونك تخرع
............

في شخص تعبت وانا اقوله خلاص يا ابني لاتتصل علي خلاص يا بابا ياحبيبي خلاص لكن الاخ مصمم لدرجة انه بيوم شافني ولما سلم علي قلت له اوووه انت غلطان اكيد تقصد اخوي التوأم، للاسف اخوي التوأم مات وانا حزين يلا مع السلامة، وراها ارسلي مسج يقولي هذا انت مو اخوك التوأم بس شكلك ماتبي تكلمني، طيب ياروحي انت قلت لك مليون مرة مابي اكلمك توك تستوعب؟
............

شاب لطيف وعجيب وكل شي فيه حلو وعاجبين بعض، طيب وين الغلط؟ مافي غلط. مممم مافي غلط؟؟ الحين اقولكم وين الغلط؟
فجأة قالي "ليش ماتتسوق من فكتوريا سيكرت؟" انا لان نيتي صافية كالعادة وابيض ياورد حطيت في راسي انه يتكلم عن كريمات، اصلا دائما استخدم كريمات فكتوريا سيكريت للجسم لانها تعجبني، لكن قالي عندهم سكسي اندر ويرز، ممممم صراحة انا اهتم بالسكسي اندر ويرز لدرجة اطلب منهم من الانترنت لكن للشباب وحسب علمي فكتوريا سيكريت ماعندهم شيء للشباب لكن الاندر ويرز نسائي، طلع الاخ يبيني البس اندر ويرز نسائي، عفوا اسمي ريكي ولا ريكية؟ وتلوموني اني مو مرتبط الى الان؟

6 comments:

يا صاحبي قد كان ماشاء الهوى said...

مساء الخير

ربما العزاء كان يخلو من الطقوس المناسبه ,الوالد كان صاج يوم قالك ..بس يلا المهم انك ضحكت !

انا اخوي الكبير يعاني من نفس مشكلتك و اهي الضحك بالوقت غير المناسب فكنت شسوي فيه يوم كنا صغار نقعد بالديوانيه عند يدي و كان ما ابالغ عنده هيبه تخلينا نرجف جدامه..عاد انا كنت اتحرش باخوي و اسويله حركات و اعلق على الناس بس علشان يضحك , عاد اهو من يبلش ضحك تشووفه يركض برا الديوانيه:)

Shams Al-Ma7aba said...

ريكي شدعوة ياي البحرين ماتكلمنا نشوفك نسلم عليك نضيفك بديرتنا

بس خلاص انا زعلت

........

انا كنت مثلك مااقدر اتحكم بنفسي اذا اضحك الحين كلش تغيرت يمكن حياتي كلها تغيرت فوق تحت

.........

العزى الي انقلب مصخررة احلى مابالمووضووع ههههههههههه

.............

"حبيبي البس النظارة احلا"

وعليه حرااام عليك يا واش ياواش مو جذي عاد مسكيين الصبي

..................

اوووه انت غلطان اكيد تقصد اخوي التوأم، للاسف اخوي التوأم مات وانا حزين يلا مع السلامة، وراها ارسلي مسج يقولي هذا انت مو اخوك التوأم بس شكلك ماتبي تكلمني،



والله طيب هالصبي انت الي ترفضهم ..شكله بريء يكسر الخاطر !!

...........

وحسب علمي فكتوريا سيكريت ماعندهم شيء للشباب لكن الاندر ويرز نسائي، طلع الاخ يبيني البس اندر ويرز نسائي، عفوا اسمي ريكي ولا ريكية؟ وتلوموني اني مو مرتبط الى الان؟


الي قالك جذي يبيله تفرصه بعضوه الذكري عشاان يحرررم يسويها مرة ثانيه هههههههههههههههه


والله يرحم المرحومة ويتغمدها الجنه

"Gay Boy" Weekly said...

يا صاحبي قد كان ماشاء الهوى

مساء النور
اشقصدك الوالد كان صاج؟ ترى بطقك، لالا صج بطقك :P

مشكلة اللي نفس حالتي انا واخوك، بس اشوة الكل تعود علي خلاص :)

"Gay Boy" Weekly said...

Shams Al-Ma7aba

حبيبي انت العزا حق بنت ولد عمي اهو اللي كان من وقت قريب، اما عزا عمي اللي انا رحت فيه البحرين كان قبل ثلاث سنوات يعني ماكنت اعرفك وقتها :) يعني مايصير تزعل مني، وانا الحين اوعدك المرة الجاية اللي بروح فيها البحرين بتكون انت اول واحد تعرف، انا اللي يشرفني اشوفك واطلع معاك
....

انشالله الضحكة ماتفارقك وحياتك دايما تكون حلوة
....

اي شفت شلون، يوم ما انساه :P
....

شسوي اطلعت مني بشكل عفوي، بس ترى اهو طلع من النوع اللي يبي جنس علطول وعنده الجنس اهم حتى من التعارف يعني مو مسكين، يعني لازم انت اطقه
....

لا صدقني ماكان بريء، كان مزعج لدرجة محد ممكن يتحمل حركاته، انا مو شرير لهدرجة
....

مو بس اقرصه هناك مفروض اطقه بعضوه عشان كل مايتألم يتذكر غلطه :P

saudi narces said...

ياااااااي احلى ما بالموضوع ان نص السوالف اعرفها حسيت اني مواكب الاحداث اول باول

بس فيه سالفة النظارات اول مره اسمع فيها صراااااااحه مره عجبتني مره خطيره
مع اني ما احس ان العيون شي مهم مرررررره بالوجه قد الانف والشفايف احس انا كل العيون تعجبني حتى لو جات تشاينيز تعجبني ودايم احس فيها سحر وكلام احم احم
المهم بس الحواجب شي مهم شكلها فاذا كانت حواجبه شينه فما الومك لكن اذا عيونه هيه الي شينه فليششششششش حرااااااااااااااااااااااام
انت من جد يبيلك واحد يعطيك خبطه على راسك مو طقه خبططططططططه
ان شاء الله على ايدي يوم من الايام

"Gay Boy" Weekly said...

saudi narces

خبطة بعينك ويعة، اوكي اطلعت مني عفوية شسوي؟ بس انا بريء وملاك :P