Sunday, July 19, 2009

T



القانون الذي كنت قد وضعته لنفسي وهو حرمان نفسي من التعارف بالمقهى الملكي كسرته قبل ذهابي لدبي بيوم واحد، وطبعا انا لست من الاشخاص الذين يأخذون الخطوة الاولى، اذا ماذا حدث؟


الله وناسة من زمان ماتكلمت لغة عربية على لهجة محلية وكوووسا

:D
اوكي اوكي نكمل
احم، هاي :) شلونكم؟ ماولهتوا علي؟


الشاب الطويل الرياضي الاسمراني اللي صارله فترة طويلة يطالعني ومايشيل عينه عني، صراحة وصلت معاه لدرجة اني انا كمان صرت معجب فيه لدرجة كبيرة، على يوم كان الفجر وكان الجو هادي، حبيت اني اتحرش بس بما اني ما اخذ خطوة اولى، شنو سويت؟ او ماذا فعلت؟


شغلت البلوتوث وكتبت "بسك خز"وبالترجمة للعربية معناتها مممم لحظة افكر (يعني بطل نظرات) اوكي اوصلت؟


شوي لقيت بلوتوث هاها يعني الاخ كان يحاول، ارسلي (انته اللي تخز وايد) وراها ارسلته (اولا شلون عرفت انه هذا انا واني قاصدك انته؟) هاها صدته، وراها كتبتله انه خلاص مافي خز من هاللحظة، وراها ماقمت اطالعه كلش، حسيت انه توهق وحس اني طرت منه وبعدين قالي اخذ رقمي وخلنا نسولف


بدون ما اطول عليكم طلع الاخ يطالعني ومعجب فيني من ثلاث سنوات من ايام الموقع القديم للمقهى الملكي، طاح بلسانه هاها والاخ كان مسوي نفسه مايطالع، عاد يقولي انته نفسية وماكنت تلاحظني وانا اشوفك واطالعك من زمان


عاد اوكي شنو اللي عجبني فيه اكثر شي غير طوله الااااااااخ وجسمه الاااااااااااخ ولونه الااااااااااااااااااخ، عجبني لانه حقير!! شلون؟؟ ابدا مايبتسم، ربعه يعاملهم بنفسية لووول، نظراته حقيرة بس معاي انا غير، اول مايحط عينه بعيني يعطيني ابتسامة ساحرة، ابتسامة اصدقائه ابدا مايشوفونها اما انا يصير معاي غير :) وناااااااااسة احب واحد حقير ونفسية مع الكل اما معاي انا غير هاها كيفي

انا دايما البس قلادة على حرف
T
وهي من زيارتي لدبي الشتاء الماضي وطبعا وراها قصة بس ماراح اكتبها الحين، الصدفة كانت انه هذا الشخص ايضا اسمه يبدأ بنفس الحرف، وصار يقولي الحين صارت لها معنى واني لازم دايما البسها، ياحظي انته شكو بالله؟ انته اللي معطيني اياها؟؟

المشكلة كانت واحنا قاعدين بالقهوة كل واحد كأنه مايعرف الثاني، ايضا مكالماته معاي صار يدخل نفسه بأدق خصوصياتي وهالشي غلط بأول العلاقة، لدرجة صار لو شاف عندي خط ثاني يزعل!!! لالا ما اتحمل هالحالة ابدا لكن لازم اطول بالي

اول مرة كلمنا بعض على انفراد كان تحت عند القهوة وكان الدنيا ليل وسولفنا شوي وراحت

ثاني يوم كان الصبح وكنا نتكلم عند سيارتي لحد ماحسيت بالفاجعة، اسنانه اووووه لالا مو صج صفرا ومكسرة يعني داخل الفم دمار شامل، وهنا كل الاعجاب انهار في لحظة!! يعني بابا حبيبي مو قادر تزور طبيب اسنان؟

وكانت نهاية رجل شجاع :D
اشوة اني مابسته لووووول

وراها عاد ايضا قصة من الملكي لكن حسب قانوني اني ما اكتب عن شي الا لما ينتهي، فا ماراح اكتبلكم عنه الحين :) مازلنا نعيش اللحظة ولا اعلم هل تنتهي بشكل كامل ام تنتهي بعلاقة، الله اعلم، لكن قصة هذا الشاب غير وخصوصا انه مو زبون، واكتشفت انه صار زبون عشاني :) التفاصيل بعدين

13 comments:

NakedBoy said...

لووول
يمكن ما يدل طبيب الاسنان
انتا لازم اتوديه وتعدل فيه

"Gay Boy" Weekly (Blogger Ricky) said...

لا ماودي احد، ابي واحد طبيعي من اولها، ليش اعدل فيه؟ لايكون حبيبي الضائع وانا مادري :P

Anonymous said...

لا بصراحة بوستات هالاسبوع من زمان ما قرينا بحماستها انشالله كل اسبوع تكتب بهالقوة ..

واااي ريكي حراام عليك احس الناس كلها بترتبط وتخلف عيال واحفاد (قاي شلون يخلفون مادري)وانت للحين

انزين علشان ضروسه بس؟؟؟ حرام عليك شنو هالشي الجانبي حده وتقدر تعدله بسهوله اذا كان الولد مناسب!! لاصراحة لازم تقدم تنازلات شوي ولا راح تظل عزابي ومعذب الناس (:

AD

سلطان الظبي said...

هههههههه
انا اموت عالشخص اللي شايف نفسه
مادري احسه يجذبني بشكل مو طبيعي
بس اييب راسه باسهل طريقه هههههههه
معضم اللي تعرفت عليهم واللي عندهم هالصفه اكتشفت انهم من اطيب الناس ويمكن اطيب مني بعد خخخخخخ
هم بس يتغلون عند فترة التعارف
يشددون الامور يبون كل شي بيرفكت
عقب والله تكتشف انهم من اروع الناس طيب واخلاق وتواضع

باختصار طيبتهم وحلاوة معشرهم هي اللي تخليهم يتصرفون هالتصرف عند
التعارف
واحد بيقولي كيف طيب وشايف نفسه؟
^^ انت فكر فيها شوي وبتعرف كيف

Anonymous said...

مممم.. شايف حاله و له ابتسامة ساحؤة و مقهى ملكي و اسنان مدمرة

اكتر شي بيزعج انو تلاقي شغلة وحدة مو حلوة بالشخص.. بتخليه كله عيوب!

-انا كمان عندي قلادة بحرف T و دايما لابسها من شي 3 سنين طبعا غبرتها كتير بس نفس الشكل

باييز

"Gay Boy" Weekly (Blogger Ricky) said...

AD

الضروس شي جانبي بالنسبة لك؟ هذا اكثر مكان يبين نظافة الانسان يا صديقي، اذا كانت النظافة بالنسبة لك شي جانبي فا بصراحة احييك، اما عن نفسي النظافة اساس الحكم على الشخص

اما عن الارتباط، ليش استعيل؟ تو الناس وحلو الواحد يعيش حياته والارتباط تصير بالصدفة مو شي نخطط له :P
حلو الواحد يعيش وقته واهو صغير بالعمر بدل لايكبر ويحس انه كل شي راح عليه وراها يصير مراهق بالخمسين ومشكلة بعدين :D

"Gay Boy" Weekly (Blogger Ricky) said...

سلطان الظبي

والله انت اللي فاهمني صح :) اول مرة اشوف واحد يقول نفس كلامك، كلامك كله صح والاهم طريقة تفكيرك وتحليلك للوضع صحيح مية بالمية :) احب اللي تكون نظرته للشخص المقابل ابعد من مجرد ردة فعل على تصرفات معينة

"Gay Boy" Weekly (Blogger Ricky) said...

GGB-TameR

وخصوصا ان هالشغلة من اهم الامور، وهي نظافة الفم والاسنان، يعني مش لعبة

يلاسلام على حرف
T
يعني انا جيت عالجرح :P

"Gay Boy" Weekly (Blogger Ricky) said...

7ag sa7eb el comment elly saweetlah delete:

1. law tegra 3adel and if u tried to understand, telga ena hatha awal wa7ad ana akalmah bel malaky and oho bs cuz i have a rule eny mat3araf 3la a7ad min malaky. cuz i care alot about som3ety so thats why ma7eb asawy shay big bel mukan elly ana kella feeh.

2. i deleted ur comment bcuz of a5er jomla enta katebha!! this is rude o ana ma7eb 6walat elsaan in my blog. and enta mo 7a6 esmek or anything y3ny ma3arfek 3ashan agool min bab el meyana.

ٍSuper Jeddawi said...

يعني حتى ذا مارحمته ؟

في واحد ماسمعت له طاري


شكله صار في خبر كان


اشتقت لك حيل


مع التحية

Junjou Romantica said...

السلام عليكم,
ممممم بس ما فكرت يمكن يخاف من طبيب الاسنان وايد ناس يعانون من هالمشكلة

any way welcome back, miss u so much:).

"Gay Boy" Weekly (Blogger Ricky) said...

Alex !

هاهاها يا صديقي العزيز يعني شسوي؟ لو انته مكاني تقدر؟

والله انا اشتقتلك اكثر وادري اني مقصر سوووووري :(

"Gay Boy" Weekly (Blogger Ricky) said...

Junjou Romantica

ماعتقد في احد يخاف من طبيب الاسنان اكثر مني، بس هذا مو سبب مقنع انه الواحد يهمل نفسه لدرجة يصير الحلج مكان لتجمع الاوساخ والاوساخ عبارة عن طبقات متعددة، انا واثق لو احد فيكم مكاني راح تلوع جبده

تبوني اشرح اكثر؟ ترى عادي بلوع جبودكم بالوصف ليما تقولون اني انا على حق لووووووول

miss you more sweetie :*