Sunday, July 19, 2009

كوكتيل الأسبوع



اسبوعين من المعاناة مع ضرس العقل، وطلعتلي لدغة هاها صار كلامي حلو مع اللدغة بسبب ضرس العقل بس حسافة راحت اللدغة مع انتهاء الالم، اللدغة كانت مواساتي لانها حلوة ونستني العوار
............

مع التمارين بالنادي اكتشفت ان الشيشة صارت اصعب!! صرت اتعب بسرعة من الشيشة! اتمنى هالمعاناة تنتهي لان حرام اخذ موقف صعب واترك النادي :(
يعني اكيد ماراح اترك الشيشة طبعا
............

ابي احد يشترك معاي بالنادي، قاعد اروح الفجر عشان اتجنب الزحمة، ابي احد يروح معاي عشان اصير اروح بالليل، لاني لو رحت بالليل لحالي راح انحرف، وطبعا ماتبوني انحرف صح؟ :D
............

اول مرة احس بشعور اني فعلا لقيت الشخص المناسب واللي دايما كنت اتمناه، وللحين ماشيين صح، مممممم ودي اكتب اكثر بس بعدين بعدين :P
............

Adivce for those who drink... never ever drink when you're tired and your stomach is empty!! then you'll get high in minutes and then end up with a stranger in your bed :D
............

دبي بالنسبة لي دمار شامل!! يعني مفروض ما اروح دبي الا لما يكون معاي كريدت كارد مفتوحة عشان اشتري على راحتي
شنو ابراج الامارات؟ شنو مجمع وافي؟ زوغة والله زووووووووغة حسيت انه فيلا مودا اللي عندنا عبارة عن مكب نفايات، اااااااااااااااه اااااااااااااااه بس اااااااااااه على الشوبينق بدبي
............

على طاري الامارات، حرام الامارات دولة خليجية، النظام عندهم شيء عجيب، احس اني بدولة اوروبية من ناحية النظام والقانون السائد، اتمنى ان تبقى الامارات على حالها والا تصيبها عدوى الدول الخليجية التي لاوجود لقانون محترم فيها، فديت دبي وابوظبي، الباجي للحين مازرتهم :P
............

في كلام كثير ولاني قاطع من فترة لازم اقولكم كل التطورات، بس مو الحين خلاص كافي هالاسبوع، بس والله والله خلاص ماراح اقطع، ادري سمعتوها كثير بس خلاص والله هالمرة غير :D

Lovekum wayed :*****

4 comments:

Anonymous said...

صراحه لو ادري انك بتحط هالكوكتيل العجيب جان ما شربت كوكتيل امس باحد القهاوي لانه كان حده بايخ
---------
واو حرام جان سجلت لنا صوتك وانت تغني بلدغه خخخ اهم شي ان العوار راح
---------
طبيعي ان يصير اصعب النادي مع الشيشه
عاد هني يبين شنو الاهم عندك صحتك ولياقتك VS وناسه مؤقته تتحول مع الوقت الى جسد هزيل وذبلان
---------
انا صج ودي اشترك نادي قولنا مكانه واللي بيته قريب عنده راح يشترك معاك
(وتصير المسابقة الثانية منو يصيدك بالنادي)
--------
انشالله يكون الشخص المناسب وتبقه معاه طول العمر
--------
نصيحه كل واحد لازم يحفرها براسه والا النتيجه راح تكون نفس فلم the hangover اللي هابين فيه الحين
--------
دبي .. لا تعور قلوبنا نتوظف بعدين يصير خير
--------
يلا واحنا متحمسين وناطرين وندعمك بالردود (بوستات مو ردود) شنسوي بعد من الوناسه

AD

سلطان الظبي said...

ياااا ربي على رابع نقطه
اول مره اشوفك تكتب بهالاسلوب
واحد عفوي يكتب بتعقل يطلع سكسي هههه
فديييتك وانت عااقل هههه
الله ييسر امورك يا رب

:::

الامارات تتشرف فيك وبامثالك يا ريكي

::
ارجوك لا تقطع
تراك زعلتني منك يوم قطعت الفتره الاخيره
كنت كل يوم ادش وما حصل مواضيعك
والله فرحت وانت تكتب اخر كلماتك

"Gay Boy" Weekly (Blogger Ricky) said...

AD

صير شيش احسلك بدل كوكتيلهم البايخ
....
حسافة ماسجلت، عاد كنت صج كيوت مع اللدغة لووول
....
لوووول جنك تسوي دعاية ضد التدخين
....
اي مسابقة، منو يصيد بنادي شغال اربع وعشرين ساعة لوول
....
خلاص مو مناسب، بروده يذبح مابيه
....
اي والله نصيحة مفيدة للكل
....
انشالله :)
....
هاهاها اخذ راحتك واكتب على راحتك :)

"Gay Boy" Weekly (Blogger Ricky) said...

سلطان الظبي

هههههههه احم احم ممممم مادري شقول :P
..

انا اللي اتشرف فيها واهلها، واااي فديتكم كلكم :P
..

خلاص والله والله ما اقطع توووبة :***