Saturday, February 21, 2009

زيارة ولا احلا

سافر صديقي البلوجر

memories of a gaysha

حسافة احس تعودت عليه بالكويت وكان نفسي لو مايسافر ويعيش بالكويت



اغنية الاسبوع (علي) للفنانة كارول سماحة صارت اغنيتنا، كل ماتشتغل بتشي تشي واحنا نشيش او بالاف ام واحنا بالسيارة ندخل جو ونصير نغني معاها..ااااااااااه حبيت الاغنية مع انها شوي هبلة..شوي مو وايد



احب المقطع اللي تقول فيه:

علي ياحبيب الناس، جيبك ملك الافلاس، لاعندك بيت ولا حتى معاش، يايكون الجو كده يابلاش



ههههههههههه هالمقطع يذكرني بللي اتعرف عليهم



المهم، حسيت بشعور حلو وكنت متحمس وصديقي البلوجر مو بس يشوف بعينه، لكن ايضا يعيش كل اللي كتبته من ناس واماكن وجو عام بالمدونة



من تشي تشي ومافيها، الى الملكي ولونلي اللي كان مادة اساسية بالحش (الحش ترجمتها في بوست سابق وبكل صراحة مالي خلق اعيد ترجمتها، اما مالي خلق فمعناها اف ممممم اقول طوفوا هالمقطع خلاص ترى عصبت)



حسب كلامه، قالي انه لما الواحد يقرا اللي اكتبه ممكن يحس اني ابالغ، لكن لما يشوف الواقع بعينه يعرف انه كلامي بالمدونة واقعي وحقيقي وموجود



اكتشفت انه يحب التسوق، كل ما اغيب عنه لحظات القى معاه اكياس من محلات مختلفة، وهالشي خلاني احبه لانه يقدر معنى التسوق هاها



الحلو انه آخر يوم اكتشفنا مع بعض مقهى سميناه (الطابق السابع) واحنا اصلا كنا رايحين مكان ثاني لكن وقفنا في الطابق بالصدفة واول شي شفناه مكان شكله ديسكو بكل معنى الكلمة، دخلنا وفعلا الجو ديسكو والناس اللي هناك ااااااااااااااااه ماراح اتكلم خليه اهو اللي يقول، ناس تفتح النفس، وطبعا شاف بعينه عملية تعارف شاب من الشاب على الهواء مباشرة بطريقة وايد وايد كيووووووت هاهاها... احم احم انا ماراح اقول شي، هاهاها



احب اقولكم ان صديقي البلوجر راحت عليه الطيارة لان مشالله عليه قرأ الساعة

16:00

على اساس انها

6

وطبعا اضطر انه يحجز مرة ثانية على الطيارة اللي وراها



اليوم بعد ماوصلته المطار رحت القهوة، حسيت بمكانه فاضي، شاركني بكل مكان اروحه وتمشينا بكل مكان وكانت ايام حلوة كلها مغامرات ووناسة وضحك .. بصراحة افتقدته من الحين



بالسيارة لقيت كيس من محلي المفضل انيرجي وطلع صديقي البلوجر شاريلي شوووز عجيب وااااااااااايد واااااااااااااااو كهدية وماقالي الا وانا في البيت، صراحة اخجلني واحب اقولك شكرا شكرا شكرا ومادري شقول اكثر



انا ماعطيت زيارته حقها في هذا البوست، في كلام كثير كثييييييييييييييييير لازم ينقال وينكتب لكن راح اخلي التفاصيل المملة للمرة القادمة



راح يكتب صديقي البلوجر بوست وطلب اني احطه في مدونتي، لما يخلص البوست راح احطها عندي في المدونة وطبعا راح انوه انه اللي كاتبها صديقي الغالي

memories of a gaysha

4 comments:

gossip boy ( gaysha ) ka said...

آآآآآه بصيح بصيح
اول ما فتحت البلوق وسمعت الاغنيه خنقتني العبره وأنا لسه ما قريت شي
والله أنا مو مره دراما لهذي الدرجه بس
من جد أكره شي في السفر لما تظطر ترجع لبلدك لانك مو بس راح تودع ناس حبيتها وتعودت عليها لكن رح تفقد مدينه كامله وجو عشته لمدة مو بسهله
من جد أستمتعت بهالزياره وحسيت إني غيرت جو بشكل رهيييييب

والله ما كنت ادري إنك أستانست علي وانا أتسوق طيب أقولك سر
أنا ما تسوقت بالشكل الطبيعي لأني كنت أستحي منك ما أبي أتأخر عليك لأني أعرفك مافيك صبر

أما بالنسبه للهديه فأنا أعيد وأكرر إنت تستاهل أكثر
بس تراها هديه شكر وهدية عيدميلادك وهدية الفالنتاين وهدية عيد الأضحى وعيد الفطر الجايين وهدية رأس السنه وهدية الكريسماس كلها تعتبر هذي الهديه خخخ أمزح لا تعصب علي

:)

i miss u already ya dub

ترا لازم أسوي زياره ثانيه شكلها كذا يومين وبرجع لك :)

وهالمره بخليك إنت تحجز لي الطيران

"Gay Boy" Weekly (Blogger Ricky) said...

saudi narces

اشوة انك استانست بالزيارة :)

بالعكس انا بالنسبة لي لو تتسوق يوم كامل ماعندي مشكلة، ياعمي انا صح مافيني صبر لكن بالتسوق عادي، وبعدين لاتتخيل اشياء مو موجودة، لو مافيني صبر انك تتسوق كان قلتها بويهك علطول، تدري فيني اللي بقلبي على لساني

واشرايك بعد تكون نفس الهدية لكل المناسبات لخمس سنوات جدام؟؟ :D
بس لا صج انك احرجتني والهدية حبيتها حييييييييييييييل كلك ذوق يا بعد جبدي

Miss you more wallah

اي خلاص ثاني مرة الحجز علي، عشان لاتصير دراما مثل اللي سويتها في المطار :D

N E M O said...

حلو انو زارك مدون ،،، و انا مبسوط انكم اتعرفتوا على بعض و متسحر لانو ما كنت بالكويت هل الوقت
كان بدي اتعرف على صديقنا
انشا الله بتكرر الزيارة و بكون انا موجود

ريكي و الله صرلي زماان ما دخلت عمدونتك بس انا كان عندي ظرووف مشتألك كتييير و انشا الله بشوفك عالمسنجر ، و اول ما اجي عالكويت اكييد رح احكي معك :)

"Gay Boy" Weekly (Blogger Ricky) said...

N E M O

اهلا صديقي

فعلا ياريت لو انك كنت معانا :) انشالله مرة ثانية تتكرر وتكون موجود

اشتقنالك ياعمي، لما توصل الكويت قولي

Take Care