Sunday, July 20, 2008

أول مرة


فترة انقطاعي الاخيرة عن الكتابة كانت لاكثر من سبب، لكن اللي استغربت منه هو اغلبها اسباب لاول مرة تحصل لي


أول مرة بحياتي اشتغل، بعد ماخلصت امتحانات نهاية الكورس دخلت تدريب صيفي لمدة شهرين في احدى الشركات، وايضا كانت اول مرة استلم فيها راتب، اول مرة اقول كلمة راتب وليس مصروف


اول مرة في هالفترة اسوي حادث سيارة بمعنى الكلمة، دائما اضرب الرصيف واطلع فوق الدوار لكن هذه المرة كان حادث طبيعي، واول مرة ما اكون انا الغلطان


اول مرة ادخل فيها مخفر شرطة عشان اطلع شيء اسمه "ورقة حادث" وهي ورقة تسمح لي بتصليح سيارتي، طبعا ياما دعمت وماكنت اعرف اني لازم اطلع ورقة حادث


انا فيني عقدة مع السيارات... كل شيء جماد في الدنيا يحب سيارتي، الارصفة تحب سيارتي وتصدم بها، المسامير تحب سيارتي وتسببلي بنشر، حتى سيارات الناس تحب سيارتي وتدعمها


وطبعا انا انسان لا افهم شيء في السيارات، كل اللي اعرفه كيف اقود سيارتي فقط


في بداية قيادتي للسيارة، بالاشهر الاولى، وانا في طريق العودة للمنزل بعد منتصف الليل توقفت سيارتي في منتصف الطريق، وروائح غريبة واشياء تخرع


طبعا وديتها في كرين للبيت وثاني يوم سلمتها لابي، جائني في المساء وسألني: بابا انت متى آخر مرة غيرت فيها زيت السيارة؟


انا: نعم؟


ابي: متى غيرت زيت السيارة؟


انا: هل يوجد بالسيارة شيء اسمه زيت؟


ابي: سكووووووووووت ونظرة غريبة بدون اي كلمة


انا: هي مو تمشي عالبنزين؟


ابي: خلاص خلاص


وطبعا من يومها عرفت ان هناك شيء اسمه زيت سيارة ولازم يتغير بعد ما ضربت الماكينة :)


محد قالي من قبل يعني لحد يلومني رجاءا


للاسف الى الان اخي وكل اصدقائي يذكروني بالموضوع ويضحكوا علي :(

10 comments:

عاشق ياسمين الشام said...

و الله بعرف شعورك ، الواحد بفترة الصيف بيحلم بالراحة و النوم و البحر و السفر ، بيقوم بيطلعلوا شغل ، نفس الشي صار معي بالصيف الماضي (كان أول صيف بشتغل فيه) و هالصيف نفس الشي.

الله بيعين.

كل شي جماد بيحب سيارتك؟ الظاهر إنو هالأجسام الجامدة بيحبوا سيارتك أكتر ما انت تحبها.
هههههههههههههه
عم امزح

السيارة ما بس بتحتاج بينزين و زيت للمحرك ... عندك كمان سائل التبريد ، و عندك كمان ........ عندك كمان ....... و الله ما بعرف شو في كمان.... ما أنا كمان متلك ما بفهم شي بالسيارة غير إني سوقها.
ههههههههههههههه

و الله الله يعينك على تعليقات أخوك و أصدقائك

NakedBoy said...

loool
et-thakerni eb nafsi :P
i relly like you man

"Gay Boy" Weekly (Blogger Ricky) said...

عاشق ياسمين الشام

انا ماصدقت واعرف عن زيت السيارة، لاتقولي في اشياء ثانية

عالعموم اصلا الحين ابوي مايثق فيني وصار هو اللي ياخذ سيارتي كل فترة ويشوف الاشياء اللي فيها.. احسن واريح :)

اي والله نفسي اغير جو بهالصيف بس هانت كلها كل يوم وافتك من التدريب الصيفي

"Gay Boy" Weekly (Blogger Ricky) said...

TechnoHuman

HeHeHe :P

Thanks dude ;)

Shams Al-Ma7aba said...

هههههههههه ضحكتني الصراحه انا بعد اول مااخذت الرخصه ماكنت اعرف شي هههه الصراحه حبيبي وااايد علمني اشيه بالسيارة كنت مااعرفها هههههه..
تدري انه من زمان ماغيرت زيت السيارة ههههههه زين ذكرتني ههههههههههه الصراحه موضوعك حده حلو..
احلى شي نيكوول سابا امووت على هالاغنيه " الدنيا دي لعبه بنلعبها يابنخسرها يابنكسبها"


"أ"

Anonymous said...

أول شي الحمدلله على السلامه وإن شاء الله مايكون جاك شي.. وبعد الحمدلله مو أنت المتسبب في الحادث .

وبالنسبه لكلامك بان كل شي جماد يحب سياراتك فايمكن لآنك جذاب ;)

اما النقطه الأخيره صراحه ضحكت عليها من جد :d..
أول مره في حياآتي اسمع بواحد مايدري إن السياره تحتاج زيت والله رحمة الوالد صراحه مادري كيف ردت فعله أكيد كان مذهوووول :d
بس المفروض أنه يعطيك بعض النصائح عن الأستخدام والصيانه يعني يقولك لازم تشيك على الماء والزيت.. لآنك اذا ماشيكت عليها بشكل دوري بتضرب الحراره اتش:d

لكن يالله حصل اللي حصل والتجربه افضل طريقه للتعلم :p

وإذا محتاج تثقيف عن هالأمور انا حاضر :d

وبوست فايف ستار كالعاده
واصل إبداعك
تحياتي لك ,,
رائد KSA

"Gay Boy" Weekly (Blogger Ricky) said...

For love

زين انه حبيبك علمك.. انا الحين تعلمت شلون احط ينزين وهالشي اعتبره انجاز وتطور :)

روح غير زيت السيارة مو ناقصين يصير فيها شي :P

وتمام شي حلو انك تحب الاغنية :) ذوقك وايد حلو

"Gay Boy" Weekly (Blogger Ricky) said...

Elvis Fan

اهلين رائد :)

من ناحية ردة فعله.. ماكان في تعابير بويهه :) ساااااااكت ويطالعني صج حسيته يائس مني ههههه

بعد شسوي ماكنت ادري وصار اللي صار، الكل يضحك عليها للحين بس انا فعلا ماكنت ادري وانا كلش ماحب امور السيارات

يلا ليش لا يبيلي شوي تثقيف بأمور السيارات، لو ساعدتني تكون سويت خير فيني وللمجتمع بعد :D

ومشكور على كلامك الحلو، كلك ذوق

knight said...

اهم شي انك بخير و انك ما تعورت
الحمد الله على السلامة
و بلوقك حلو و راح اتابعه بشكل افضل لما ارجع الامارات

"Gay Boy" Weekly (Blogger Ricky) said...

knight

الحمدلله جت سليمة هالمرة :)

ومشكور على رايك اللي يهمني وكلامك الحلو.. وتوصل الامارات بالسلامة انشالله