Sunday, June 3, 2007

First date الموعد الأول



بعد كتابتي الاسبوع الماضي عن الخطوات الثمانية اللي يجب ان تتبعها لكي يكون التعارف آمنا عن طريق الانترنت، هالاسبوع راح اكتب عن الخطوة التالية، الخطوة المهمة بعد التعارف، وهو الموعد الأول


اكيد تعرفت وحاب تتعرف على شخص تكون بينكم نوع من العلاقة الحلوة، هالشخص ممكن تتعرف عليه من النت او حتى من برة النت، لكن في شي مهم وهو الموعد الاول، معروف الموعد الاول على انه اهم خطوة، فيها تاخذ الانطباع الاول عن الشخص، وفيها تتعرف عليه اكثر وتحدد اذا فعلا يناسبك او لا

في ناس يشعروا بتوتر في الموعد الاول، لهذا السبب حبيت اني اعطيك شوية افكار عزيزي المثلي للموعد الاول


اولا، الموعد الاول مجرد لقاء لا اكثر، يعني لاداعي للشعور بالتوتر ابدا، اسوأ شي ممكن يصيرلك انك ماراح تشوفه مرة ثانية، يعني شيل التوتر من راسك


اختار مكان اللي ترتاح فيه وتحس انك راح تاخذ راحتك بالكلام والتصرف، يعني مثلا مطعم او بار (اذا كان البار متوفر في بلدك)... لاتختار مكان مثل سينما لانك ماراح تاخذ راحتك بالكلام فيه، ولو انا كنت قاعد وراك بالسينما وسمعتك تتكلم راح تسمعني اقولك "ششششششششش" لان السينما مو مكان للسوالف

نصيحة: لاتروح ابدا مكان خاص بالشخص اللي تبي تواعده في الموعد الاول، يعني لا تروح بيته او شقته، روح مطعم او كافيه احسن عشان تاخذ راحتك وماتحس انك بمكان مو مكانك


الانطباع الاول والتأثير اللي تتركه بالشخص المقابل مهم جدا، اذا لازم تختار ملابسك بعناية، البس شي يكون بسيط وحلو ومرتب، لاتكون مبهدل ولاتلبس اللي عالحبل مثل مايقولوا او بدلة رسمية، البس لبس شبابي ويكون هادي وبسيط


في بداية الموعد، راح تفكر وتسأل نفسك اسئلة مثل هل انا تركت انطباع جيد؟ هل اهو مرتاح معاي؟ هل تصرفي صحيح؟ لا تقلق، لانه اهو قاعد يفكر بنفس الشي ويسأل روحه نفس الاسئلة :)


تكلم معاه بأي موضوع عام، لكن الاهم راقب حركاته وطريقة كلامه، خله يتكلم اكثر منك، خلك مستمع جيد لكن الاهم راقب حركاته وطريقة كلامه لانه من خلال طريقته بالكلام ممكن تعرف اشياء كثيرة عن طبعه واسلوبه


لاتحط آمال على هالشخص حتى لو كان مميز ورائع بالموعد الاول، لانه ممكن بعد كم يوم تكتشفه على حقيقته انه مو الشخص اللي يناسبك واللي تبيه


اذا كنت متعرف عليه برة النت وماتدري اذا كان اهو مثلي ولا مغاير، قي ولا ستريت، تقدر تعرف هالشي عن طريق انك مثلا ومن خلال الكلام والسوالف والنقاش تذكر موضوع عن المثليين من برنامج انت شفته او فلم عادي كان في شخص يمثل دور مثلي، وخله يتكلم عشان تشوف شنو رايه بالمثليين، ممكن من كلامه عن الموضوع حتى لو كان يمثل تعرف اذا كان مثلي او لا، خلك واثق بحدسك

4 comments:

A/kader said...

مواعدي الأولى كلها كانت جرائم في حق نفسي وربما تحدثت عنها بإسهاب في حكايتي
بغستثناء لقائي بأمير كان مختلفا حقا
تقبل تحياتي خالد وكل تمنياتي لك بالنجاح والتوفيق
دائما ياسين

"Gay Boy" Weekly said...

كل شخص فينا له تجارب حلوة ومرة في الموعد الاول

انا حبيت اني اعطي اقتراحات لموعد اول افضل

انا سعيد لانك وجدت السعادة والحب الان بعد سنوات من البحث عن الحب

Ramy Marderosian said...

فعلا نصائك بديهيه ولكنها ميده لمن لا خبره له

انا بصراحه رغم كل الاعراءات لا اجرء على تكوين علاقه عبر النت لان الشخص الاخر تلقائيا يعتبرك مومس او داعر يعني وكانك جاي للمتعه الجنسيه بالمقام الاول ومهما كانت مشاعرك نبيله فما راح يقدر عالمشاعر ....

كتاباتك جميلة واسلوبك قريب للقلب

بالتوفيق

"Gay Boy" Weekly said...

Ramy Marderosian

يسلمو عزيزي كلك ذوق

هي فعلا بديهية بس الواحد يحتاج للتذكير خصوصا اذا كان جديد على موضوع التعارف عبر الانترنت

الانترنت له عيوبه لكن يعطيك حرية اكثر، لا تنسى اغلب المجتمعات العربية تضيق الخناق على المثليين

اهلا فيك دايما