نتيجة الاستفتاء

السؤال كان: هل سبق انك لم تتقبل شخص كان معجب بك لكن مع التعود عليه ومرور الوقت اصبحت ترى انك منجذب اليه؟

الاكثرية 72% قالوا نعم

اما البقية لا

ليش انا حطيت هالسؤال؟ لانها صارت معاي واتوقع انها صارت مع غيري، وصارت معاي بالنسبة لاكثر من شخص لكن اقوى مرة كانت لما دخلت المقهى الملكي على يوم ومن اول مادخلت لحد ماقعدت وعينه علي، قعدت وخلصت وعينه علي، استغربت وعلطول قلت بيني وبين نفسي شيل عيونك احسن لانك لو اخر واحد بالدنيا ماراح اطل فيك، مع مرور ايام ايضا لم اتقبله، لكن مع الوقت فتحت عيوني صح ولقيته كووول، اللي ينقال عنهم
HOT
وليس
Handsome
وهذا اللي يثيرني اكثر بالشاب، الوحيد بين اصدقائه اللي راقي ومحترم، كل مرة لبسه غبي لكن على يوم دخل علينا القهوة وكان كاشخ واااااااه اااااااااه ياقلبي ياكتاكت يا منته شايف وساكت، صرت احب اشوفه كل يوم، والعسل يخلي القهوة كلها ومايمر الا جدامي، استعباط عالاخر بس عسل كيفي يحقله

وصارت ايضا مع "ابو الاحمر" احم احم في واحد يقرالي الحين واهو الوحيد راح يعرف منو ابو الاحمر هاهاها
كنت اشوفه بالملكي القديمة مع صاحبه وصاحب صاحبه، صاحبه اشكرة مثلي لانه صاحب صاحبه (دختو ولا للحين؟) يبين عليه مثلي وحاطين ايديهم ببعض؟ خير انشالله؟ روميو وجولييت على غفلة؟ ويعة قلنا مثليين بس مو بالشارع؟ المهم مرة الظهر ابو الاحمر طالعني وكلم صاحبه واثنيهم صاروا يطالعوني (اشكرة حش) وراها حسيت ابي اطق ابو الاحمر بهوز الشيشة بس وراها صرت منعجب فيه، فديت طوله العجيب وقوامه الممشوق ولونه الاسمر الجذاب، اوكي الدنيا الصبح وانا اذا مو نايم ومواصل اصير
Horny
فا انا بسكت احسن، خلاص خلصنا البوست باي