كوكتيل كئيب :(

I have a hernia :( eh2 eh2
طبعا انا من اولها قررت اني ما اروح مستشفى هادي مع اني اتعالج فيه دايما، بس هالمستشفى صار مستشفى بزنس يعني اي شي يقولون يلا عملية عادي تفضل!! وكأن المسألة نزهة مو عملية

فيك برد، يلا نشيل اللوز
بطنك يعورك؟ عادي نشيل جزء من الامعاء
راسك يعورك؟ نشيلك شوي من المخ
على فكرة الجملة الاخيرة حقيقة وصارت مع زوجة اخي، لانها تعاني من الصداع النصفي بكل بساطة قالها الدكتور: عادي بسيطة حلها سهل عملية نشيل جزء بسيط من المخ وممكن نعملها دلوقتي.... يخرب بيتك صداع يعني الحل حبتين
Advil
مو تشيل شي من المخ

ولان المستشفيات الحكومة كارثة، رحت عند جراح وصديق للعائلة ودكتور بالجامعة ومدير المستشفى التابع للشركة اللي يشتغل فيها اخوي ومرته، وللاسف عطاني الخبر البايخ، يعني راح اسوي عملية :"(((((
بس الغريب يقولي مش وقت العملية الحين، لما تتطور اسويلك العملية، طيب ليش لما تتطور؟ ليش لازم اعيش الرعب بشكل يومي؟؟ سويها وفكنا دخيل الله
Hernia???? EH2 EHHHHHHH22222 :(
انا وسواس بدون شي، شلون الحين؟؟ :(((
............

انا اكره شركة زين للاتصالات اوكي؟؟ والله خلاص صرت اكرههم
يعني اول انا كنت معزز مكرم مع الوطنية للاتصالات، بالوطنية يحطولي حد معين مثلا خنقول
120 دينار
ولازم ما اتعداه، وانزل من فاتورتي قبل لا اوصل هالحد، اوكي حلو يعني انزل من المبلغ على راحتي
اما مع زين كل شهر ينزلولي المبلغ ويطلبون مني اني ادفعهم بالكامل!! طيب ليش يعني؟
من شهرين دفعت نص المبلغ واللي صار انهم افصلولي الخط :@
يعني ليش لازم ادفع المبلغ كامل؟؟ مع الوطنية المهم اكون تحت الليميت وكان الموضوع مريح، اما الحين كل مرة ينزلون مبلغ ولازم اسدده بالكامل، يمكن ماعندي شسوي؟؟ خلاص خلهم يفصلونه وبسدده مرة وحدة والغيه خلاص مابي برد للوطنية احسن، عالاقل اكون مرتاح واسدد على راحتي طالما اني ما اوصل للحد اللي انا اختاره، مو الكابوس الشهري اللي اعاني منه بسبب زين
............

وبما ان يومي كان كئيب، قررت باجر اروح اسوي عملة سودة، اوكي شغلة عادية بس مفروض ما اسويها، لكن بما انها خاربة خاربة راح اعميها خلاص، ماراح اقولكم شنو، باجر الصبح اخلصها لاني حطيتها بمخي وقررت اسويها، بقولكم بعدين :D
............

اليوم تفاجأت انهم مسكرين موقع
tickle.com
عاد احب هالسايت وايد وكنت دايما اسوي فيه اختبارات ويطلعون نتيجة الاختبار بناء على اجوبتي، والحلو بهالسايت انه نتائجهم تعكس الشخصية بشكل صحيح وهذا اللي يميز الموقع
عاد انا عندي وايد نتائج عن اختبارات متنوعة سويتها وكنت حاب اشارككم فيها بس للاسف راح السايت وراح كل شي فيه :(
............

ELVIS :@@@@@@@@@
انا حاقد عليك، انت تغير جو ومسافر ومستانس حق ليلة راس السنة وانا قضيتها بالحوش اشيش!!! ااااااه راح اقتلك بس انت ارجع بس
............

انا اليوم زعلان، كئيب، احس بملل قاتل، مالي خلق اطلع ومالي خلق اسوي شي، وبما اني كئيب لازم انقلكم كآبتي عشان تشاركوني فيها، ولا انتو اصدقائي بالكلام بس؟؟؟ يلا قررت انكم تصيرون كئيبين لمدة اربع ساعات... اوكي؟ يلا نبلش من الحين

............

قررت هالاسبوع مافي اغنية الاسبوع ومافي بعد استفتاء، حداد على نفسي :(